Uncategorized
ഇന്ത്യന്‍ എംബസി സ്‌പെഷ്യല്‍ കോണ്‍സുലാര്‍ ക്യാമ്പ് ഒക്ടോബര്‍ 15 ന് ദുഖാനില്‍
ഡോ. അമാനുല്ല വടക്കാങ്ങര
ദോഹ. ദുഖാന്‍ ഏരിയയില്‍ താമസിക്കുന്ന ഇന്ത്യന്‍ തൊഴിലാളികളുടെ പാസ്‌പോര്‍ട്ട്, അറ്റസ്‌റ്റേഷന്‍ സര്‍വീസുകള്‍ എളുപ്പമാക്കുന്നതിനായി ഇന്ത്യന്‍ എംബസിയുടെ സ്‌പെഷ്യല്‍ കോണ്‍സുലാര്‍ ക്യാമ്പ് ഒക്ടോബര്‍ 15 വെള്ളിയാഴ്ച ദുഖാനില്‍ നടക്കും. ഇന്ത്യന്‍ കമ്മ്യൂണിറ്റി ബനവലന്റ് ഫോറവുമായി സഹകരിച്ചാണ് ക്യാമ്പ് സംഘടിപ്പിക്കുന്നത്.
ദുഖാന്‍ സിക്രീത്തിലുള്ള അംവാജ് ക്യാമ്പില്‍ വെള്ളിയാഴ്ച 10 മണി മുതല്‍ 12 മണിവരെയായിരിക്കും ക്യാമ്പ്. രാവിലെ 8 മണി മുതല്‍ തന്നെ ഓണ്‍ലൈനില്‍ പാസ്‌പോര്‍ട്ട് അപേക്ഷകള്‍ നല്‍കുന്നതിനുള്ള സഹായം ലഭിക്കും. ദുഖാന്‍ ഏരിയയില്‍ താമസിക്കുന്ന ഇന്ത്യന്‍ തൊഴിലാളികള്‍ ഈ സേവനം പ്രയോജനപ്പെടുത്തണമെന്ന് ഇന്ത്യന്‍ എംബസി ആവശ്യപ്പെട്ടു.
