കലാലയം പുരസ്കാരത്തിന് സൃഷ്ടികള് ക്ഷണിച്ചു
ഡോ. അമാനുല്ല വടക്കാങ്ങര
ദോഹ: ആര് എസ് സി ഖത്തര് നാഷണല് സാഹിത്യോത്സവിനോടനുബന്ധിച്ചു നടക്കുന്ന കലാലയം പുരസ്കാരത്തിനു സൃഷ്ടികള് ക്ഷണിച്ചു.
ഖത്തറിലെ പ്രവാസി മലയാളികള്ക്കാണ് പങ്കെടുക്കാനവസരം.പങ്കെടുക്കാന് ആഗ്രഹിക്കുന്നവര് മലയാളം ചെറുകഥ, കവിത എന്നീ വിഭാഗങ്ങളില് മുമ്പ് പ്രസിദ്ധീകരിച്ചിട്ടില്ലാത്ത സാഹിത്യസൃഷ്ടികള് ഒക്ടോബര് 31 രാത്രി 10 മണിക്ക് മുമ്പായി [email protected] എന്ന ഇമെയില് വിലാസത്തില് അയക്കണം .
ചെറുകഥ അഞ്ച് ഫുള്സ്കാപ്പ് പേജിലും,കവിത രണ്ട് ഫുള്സ്കാപ്പ് പേജിലും കവിയരുത്.സൃഷ്ടികളില് എഴുത്തുകാരന്റെ പേരോ മറ്റു വിവരങ്ങളോ എഴുതരുത്. മറ്റൊരു പേജില് പേരും, അഡ്രസ്സും, സ്വയം പരിചയപ്പെടുത്തുന്ന വിവരങ്ങളും ഒരു പാസ്സ്പോര്ട്ട് സൈസ് ഫോട്ടോ സഹിതം,സ്കാന് ചെയ്ത് ഇമെയില് ചെയ്യണം .
മികച്ച ആദ്യ സൃഷ്ടിക്ക് നവംബര് 19ന് നടക്കുന്ന ആര് എസ് സി ഖത്തര് നാഷണല് സാഹിത്യോത്സവില് കലാലയം പുരസ്കാരം നല്കും. സാഹിത്യരംഗത്തെ പ്രശസ്തരായ ജൂറി അംഗങ്ങങ്ങളായിരുക്കും പുരസ്കാര മൂല്യനിര്ണയം നടത്തുക.കൂടുതല് വിവരങ്ങള്ക്ക് 33211436, 7782 9555 എന്നീ നമ്പറുകളില് ബന്ധപ്പെടാം.
