ഹമദ് അന്താരാഷ്ട്ര വിമാനത്താവളത്തില് ജൂണില് യാത്രക്കാരുടെ എണ്ണത്തില് 149.3% വര്ദ്ധനവ്
അമാനുല്ല വടക്കാങ്ങര
ദോഹ: ഹമദ് അന്താരാഷ്ട്ര വിമാനത്താവളത്തിലെ യാത്രക്കാരുടെ എണ്ണം ജൂണില് 149.3 ശതമാനം വര്ധിച്ച് 3,106,063 യാത്രക്കാരിലെത്തിയതായി ഖത്തര് ന്യൂസ് ഏജന്സി റിപ്പോര്ട്ട് ചെയ്തു. 2021 ജൂണില് 1,245,766 യാത്രക്കാരാണ് ഹമദ് അന്താരാഷ്ട്ര വിമാനത്താവളത്തിലൂടെ സഞ്ചരിച്ചത്.
2022 ജൂണിലെ വ്യോമഗതാഗത സ്ഥിതിവിവരക്കണക്കുകള് കൊറോണ വൈറസ് പാന്ഡെമിക്കിന് ശേഷം ഈ മേഖലയുടെ ക്രമാനുഗതമായ വീണ്ടെടുക്കല് കാണിക്കുന്നുവെന്ന് ഖത്തര് സിവില് ഏവിയേഷന് അതോറിറ്റി പുറത്തിറക്കിയ പ്രസ്താവനയില് പറഞ്ഞു. കഴിഞ്ഞ വര്ഷം ജൂണിനേക്കാള് 2022 ജൂണില് എച്ച്ഐഎയിലെ വിമാന ഗതാഗതം 39.3 ശതമാനം വര്ദ്ധിച്ചു.
2021 ജൂണില് 13,31 ഫ്ളൈറ്റുകളാണ് ഹമദ് അന്താരാഷ്ട്ര വിമാനത്താവളത്തില് സേവനം നടത്തിയത്. 2022 ജൂണില് ഫ്ളൈറ്റുകളുടെ എണ്ണം 18,155 ആയി ഉയര്ന്നു. അതേസമയം ചരക്ക്, തപാല് ഗതാഗതം 2021 ലെ ഇതേ മാസത്തെ അപേക്ഷിച്ച് 9.4 ശതമാനം കുറഞ്ഞതായും റിപ്പോര്ട്ടില് പറയുന്നു.
