ഖത്തര് നാഷണല് ഫെന്സിങ്ങ്- 2022 ടൂര്ണമെന്റില് ബാസില് ജാഫര്ഖാന് വെള്ളി മെഡല്
അമാനുല്ല വടക്കാങ്ങര
ദോഹ. അസ്പെയര് അക്കാദമിയില് നടന്ന ഖത്തര് നാഷണല് ഫെന്സിങ്ങ്- 2022 ടൂര്ണമെന്റില് മലയാളി ബാലന് ബാസില് ജാഫര്ഖാന്’ വെള്ളി മെഡല് കരസ്ഥമാക്കി.
ഖത്തര് ഫെന്സിങ്ങ് ഫെഡറേഷന്റെ കീഴില് നടന്ന ദേശീയ ചാമ്പ്യന്ഷിപ്പില് ‘ഫോയില്’ (മത്സരത്തിനു പയോഗിക്കുന്ന വാളിന്റെ പേര്) വിഭാഗത്തില് 11 വയസ്സിന് താഴെയുള്ള കുട്ടികള്ക്കിടയില് മത്സരിച്ചാണ് ബാസില് മെഡല് നേടിയത് .
അമേരിക്ക, ലേബനോന്, ഫിലിപ്പിന്സ്, യു.കെ, റഷ്യ, ഈജിപ്ത്, പാക്കിസ്ഥാന്, ഫലസ്തീന് തുടങ്ങിയ രാജ്യക്കാരായ നിരവധി കുട്ടികളാണ് മത്സരത്തില് പങ്കെടുത്തത്.
ദോഹ ബിര്ള പബ്ലിക് സ്കൂളിലെ നാലാം ക്ലാസ്സ് വിദ്യാര്ത്ഥിയാണ് ബാസില്. കഴിഞ്ഞ 2021 ലെ ദേശീയ ഫെന്സിങ് മത്സരത്തില് വെങ്കല മെഡലും, 2022 ലെ ഫെഡറഷന് കപ്പ് മത്സരത്തില് ഗോള്ഡ് കരസ്ഥമാക്കിയിരുന്നു. ഖത്തറിലെ പൊതുപ്രവര്ത്തകനായ അഡ്വക്കേറ്റ് ജാഫര്ഖാന്റെയും ആശ ശാദിരിയുടെയും മകനാണ് .
