ഖത്തര് ലോകകപ്പ് വിജയിപ്പിച്ചതില് വളണ്ടിയര്മാരുടെ പങ്ക് നിസ്തുലം: ഹസന് അല് തവാദി
അമാനുല്ല വടക്കാങ്ങര
ദോഹ. ഖത്തര് ലോകകപ്പ് വിജയിപ്പിച്ചതില് വളണ്ടിയര്മാരുടെ പങ്ക് നിസ്തുലമാണെന്നും ഖത്തറിന്റെ ചരിത്രപരവും അസാധാരണവുമായ ഫിഫ ലോകകപ്പ് അതിന്റെ വിജയത്തിന്റെ ഭൂരിഭാഗവും ടൂര്ണമെന്റിലെ ഏറ്റവും വലിയ ടീമുകളിലൊന്നായ വളണ്ടിയര്മാരോട് കടപ്പെട്ടിരിക്കുന്നുവെന്നും സുപ്രീം കമ്മിറ്റി ഫോര് ഡെലിവറി ആന്ഡ് ലെഗസി സെക്രട്ടറി ജനറല് ഹസന് അല് തവാദി അഭിപ്രായപ്പെട്ടു.
എട്ട് അത്യാധുനിക സ്റ്റേഡിയങ്ങള്, ഹോട്ടലുകള്, വിമാനത്താവളങ്ങള്, ദോഹ കോര്ണിഷ്, ഫിഫ ഫാന് ഫെസ്റ്റിവല് എന്നിവയും അതിലേറെയും ഉള്പ്പെടെ 25 ലൊക്കേഷനുകളിലായി 150-ലധികം ദേശക്കാരായ 20,000 സന്നദ്ധപ്രവര്ത്തകരാണ് ഇവന്റ് ഡെലിവറിക്ക് പിന്തുണ നല്കിയത്. ടിക്കറ്റിംഗ്, കാണികളുടെ സേവനങ്ങള്, പ്രോട്ടോക്കോള്, മീഡിയ എന്നിവയുള്പ്പെടെ വിവിധ പ്രവര്ത്തന മേഖലകളെ പിന്തുണയ്ക്കുന്നതിനുള്ള ചുമതലയുള്ള സന്നദ്ധപ്രവര്ത്തകരും മത്സര ദിവസങ്ങളില് പാര്ട്ടി അന്തരീക്ഷം കെട്ടിപ്പടുക്കാന് സഹായിച്ചു.
”ഞങ്ങളുടെ വളണ്ടിയര്മാരായിരുന്നു ടൂര്ണമെന്റിന്റെ ഹൃദയം. അവരില്ലായിരുന്നെങ്കില് ഇതൊന്നും സാധ്യമാകുമായിരുന്നില്ല. അവരുടെ ഊര്ജവും അചഞ്ചലമായ ആവേശവും ഞങ്ങള് പ്രദര്ശിപ്പിക്കാന് ആഗ്രഹിച്ച ആവേശകരവും കുടുംബ സൗഹൃദവുമായ അന്തരീക്ഷം പിടിച്ചെടുത്തു. ഖത്തറില് അവരോടൊപ്പം ഈ ചരിത്ര നാഴികക്കല്ല് നേടിയത് ഞങ്ങള്ക്ക് വലിയ അഭിമാനവും ബഹുമതിയും നല്കുന്നു, അവരുടെ സംഭാവനകള്ക്ക് രാജ്യം എക്കാലവും നന്ദിയുള്ളവരായിരിക്കും, അല് തവാദി പറഞ്ഞു.
