ഖത്തര്‍ പ്രവാസി അസോസിയേഷന്‍ കൂടത്തായി ബോധവല്‍ക്കരണ സെമിനാര്‍ സംഘടിപ്പിച്ചു
അമാനുല്ല വടക്കാങ്ങര
ദോഹ : കൂടത്തായി പ്പ്രദേശത്തുകാരുടെ പ്രവാസി കൂട്ടായ്മയായ ഖത്തര്‍ പ്രവാസി അസോസിയേഷന്‍ കൂടത്തായി പ്രവാസി ബോധവല്‍ക്കരണ സെമിനാര്‍ സംഘടിപ്പിച്ചു പ്രമുഖ പ്രവാസി സാമൂഹിക പ്രവര്‍ത്തകനും ലോകകേരള സഭ അംഗവുമായ അബ്ദുല്‍ റഊഫ് കൊണ്ടോട്ടി മുഖ്യ പ്രഭാഷണം നടത്തി.
ഇന്നത്തെ പ്രവാസി സമൂഹം നേരിടുന്ന പ്രശ്‌നങ്ങളും അവയ്ക്കുള്ള പരിഹാരങ്ങളും പ്രവാസികളുടെ ഭാവി എങ്ങനെ ഭദ്രമാക്കാം എന്നത് സംബന്ധിച്ച നിര്‍ദ്ദേശങ്ങളും, അടങ്ങിയ അദ്ദേഹത്തിന്റെ പ്രഭാഷണം പല ഭാഗങ്ങളില്‍ നിന്ന് വന്നവര്‍ക്കു വളരെ ഉപയോഗപ്രദമായി
പ്രവാസികളുടെ ക്ഷേമത്തിനായി ജീവിതം ഉഴിഞ്ഞു വെച്ച അബ്ദുള്‍ റഊഫ് കൊണ്ടോട്ടിയെ കൂട്ടായ്മയുടെ മുഖ്യ കോ:ഓര്‍ഡിനേറ്റര്‍ മോയിന്‍ വി കെ പൊന്നാട അണിയിച്ചു.
കൂട്ടായ്മയുടെ പ്രവര്‍ത്തനങ്ങള്‍ക്ക് സ്തുത്യര്‍ഹ സേവനം ചെയ്യുന്ന സെക്രട്ടറി റാഫി വി കെയെ അബ്ദുല്‍ റഊഫ് കൊണ്ടോട്ടി ഉപഹാരം നല്‍കി അനുമോദിച്ചു
സംഘടനയിലെ മുതിര്‍ന്ന അംഗവും മുഖ്യ രക്ഷാധികാരിയുമായ മുനീര്‍ പൂവ്വോടിന് റാഫി സ്‌നേഹാദരം നല്‍കി
കൂട്ടായ്മയുടെ നടത്തിപ്പിലെ മുഖ്യ കണ്ണിയും ലോകകപ്പ് 2022 വളണ്ടിയറുമായിരുന്ന ഷാഹിദ് കൂടത്തായിക്ക് മുഖ്യ രക്ഷാധികാരി മുനീര്‍ പൂവ്വോട് പുരസ്‌കാരം നല്‍കി ആദരിച്ചു.
വേള്‍ഡ് കപ്പ് പ്രവചന മത്സരത്തില്‍ വിജയിച്ച അജ്മലിന് വൈസ് പ്രസിഡന്റ് അനൂപ് സമ്മാനം കൈമാറി
മോന്‍സി, അനൂപ്, റഷീദ് പി ടി , നിയാസ്, മജീദ്, സാജിര്‍, അബ്ദുല്‍ ഹയ്യ് എന്നിവര്‍ സംസാരിച്ചു. ആബിദ് മണിമുണ്ടയുടെ നേതൃത്വത്തില്‍ നടന്ന ഗാനമേള പരിപാടിക്ക് നിറം പകര്‍ന്നു.
പ്രസിഡണ്ട് ബെന്നി ജോസഫ് കൂടത്തായി അധ്യക്ഷത വഹിച്ചു.മുഖ്യ രക്ഷാധികാരി അബ്ദുള്‍ മുനീര്‍ യോഗം ഉല്‍ഘടനം ചെയ്തു. സെക്രട്ടറി റാഫി വി കെ കൂട്ടായ്മയുടെ മുന്‍കാല പ്രവര്‍ത്തനങ്ങള്‍ അവലോകനം ചെയ്തു.
ഷൈജു കൂടത്തായി സ്വാഗതവും ട്രഷറര്‍ ഷമീര്‍ എം എം നന്ദിയും പറഞ്ഞു.
