മാനവികതയും മനുഷ്യത്വവും ഉദ്ഘോഷിച്ച എം ക്യൂബ്
ദോഹ. ലോക പ്രശസ്ത മാന്ത്രികനും മോട്ടിവേഷണല് സ്പീക്കറും സാമൂഹ്യ പ്രവര്ത്തകനുമായ ഗോപിനാഥ് മുതുകാടും സംഘവും ദോഹ മോഡേണ് ഇന്ത്യന് സ്കൂള് ഓഡിറ്റോറിയത്തിലെ നിറഞ്ഞ സദസ്സിന് മുന്നില് അവതരിപ്പിച്ച എം ക്യൂബ്
കലയും സംഗീതവും സംസ്കാരവും സമന്വയിപ്പിച്ച് മാനവികതയും മനുഷ്യത്വവും ഉദ്ഘോഷിച്ച സവിശേഷ വിരുന്നായി.
കാസര്ക്കോട് വരാനിരിക്കുന്ന സമൂഹത്തിലെ ഭിന്ന ശേഷിക്കാരുടെ സമഗ്രമായ വളര്ച്ചക്കുള്ള അത്യാധുനിക പദ്ധതിയുടെ പ്രമോഷന് വേണ്ടി സംഘടിപ്പിച്ച കലാവിരുന്ന് ഖത്തറിലെ സഹൃദയ ലോകത്തിന് അവിസ്മരണീയ രാവാണൊരുക്കിയത്. സമൂഹത്തിലെ ഭിന്ന ശേഷിക്കാരായ മനുഷ്യ മക്കളെ ചേര്ത്തുനിര്ത്തി, അവരുടെ കഴിവുകളെ ശാസ്ത്രീയമായ രീതിയില് വികസിപ്പിക്കുകയെന്ന മഹത്തായ ദൗത്യമാണ് ഇന്റര്നാഷണല് ഇന്സ്റ്റിറ്റ്യൂട്ട് ഫോര് പീപ്പിള് വിത് ഡിസ്എബിലിറ്റീസ് ഏറ്റെടുക്കുന്നത്.
തിരുവനന്തപുരത്തെ പ്രശസ്തമായ രീതിയില് നടന്നുവരുന്ന ഡിഫറന്റ് ആര്ട് സെന്ററിന്റെ മാതൃകയില് ആയിരം കുടുംബങ്ങളെയാണ് കാസര്ക്കോട് ഉയരുന്ന ഈ കേന്ദ്രം സംരംക്ഷിക്കുക.
ഈ കേന്ദ്രത്തിന്റെ ഒരു കെട്ടിടം ഖത്തറില് നിന്നുള്ള സുമനസുകള് ചേര്ന്ന് നിര്മിക്കുമെന്ന പ്രഖ്യാപനവും ആ രംഗത്ത് ഓരോ മനുഷ്യ സ്നേഹിയും തങ്ങളുടെ പങ്കാളിത്തം ഉറപ്പാക്കണമെന്ന ആഹ്വാനവും സാമൂഹ്യ പ്രതിബദ്ധതയുടേയും മനുഷ്യ സ്നേഹത്തിന്റേയും അടയാളപ്പെടുത്തലായിരുന്നു.
