ഖത്തറില്‍ സെപ്റ്റംബറില്‍ 1.037 ബില്യണ്‍ റിയാലിന്റെ റിയല്‍ എസ്റ്റേറ്റ് വ്യാപാരം
ദോഹ: 2023 സെപ്റ്റംബറില്‍ നീതിന്യായ മന്ത്രാലയത്തിലെ റിയല്‍ എസ്റ്റേറ്റ് രജിസ്‌ട്രേഷന്‍ ഡിപ്പാര്‍ട്ട്മെന്റില്‍ രജിസ്റ്റര്‍ ചെയ്ത വില്‍പ്പന കരാറുകളിലെ റിയല്‍ എസ്റ്റേറ്റ് ട്രേഡിംഗിന്റെ അളവ് 1,037,617,682 റിയാല്‍ ആണ്.
നീതിന്യായ മന്ത്രാലയം പുറത്തിറക്കിയ റിയല്‍ എസ്റ്റേറ്റ് അനലിറ്റിക്കല്‍ ബുള്ളറ്റിനിലെ ഡാറ്റ ഈ മാസം 300 റിയല്‍ എസ്റ്റേറ്റ് ഇടപാടുകള്‍ രേഖപ്പെടുത്തിയതായി വെളിപ്പെടുത്തി. 2023 ഓഗസ്റ്റുമായി താരതമ്യപ്പെടുത്തുമ്പോള്‍, വിറ്റ റിയല്‍ എസ്റ്റേറ്റ് സൂചിക 1 ശതമാനവും വ്യാപാര മേഖലകളുടെ സൂചിക 3 ശതമാനവും വര്‍ദ്ധനവ് രേഖപ്പെടുത്തി.
റിയല്‍ എസ്റ്റേറ്റ് മാര്‍ക്കറ്റ് സൂചിക പ്രകാരം 2023 സെപ്റ്റംബറിലെ സാമ്പത്തിക മൂല്യത്തിന്റെ കാര്യത്തില്‍ ഏറ്റവും സജീവമായ ഇടപാടുകളില്‍ ദോഹ, അല്‍ റയ്യാന്‍, അല്‍ ദായെന്‍ മുനിസിപ്പാലിറ്റികള്‍ ഒന്നാമതെത്തി, അല്‍ വക്ര, ഉം സലാല്‍, അല്‍ ഖോര്‍, അല്‍ ദാക്കിറ, അല്‍ ഷമാല്‍, അല്‍ ഷഹാനിയ എന്നിവ തൊട്ടുപിന്നിലെത്തി
സെപ്റ്റംബറിലെ റിയല്‍ എസ്റ്റേറ്റ് മാര്‍ക്കറ്റ് സൂചികയില്‍ അല്‍ റയ്യാന്‍ മുനിസിപ്പാലിറ്റിയുടെ ഇടപാടുകളുടെ സാമ്പത്തിക മൂല്യം 341,793,633 റിയാല്‍ ആണെന്ന് വെളിപ്പെടുത്തി. ദോഹ മുനിസിപ്പാലിറ്റിയുടെ ഇടപാടുകളുടെ സാമ്പത്തിക മൂല്യം 328,446,892 റിയാല്‍ ആണ്, അതേസമയം അല്‍ ദായെന്‍ മുനിസിപ്പാലിറ്റിയുടെ സാമ്പത്തിക മൂല്യം 154,912,596 റിയാലും അല്‍ വക്ര മുനിസിപ്പാലിറ്റിയുടെ ഇടപാടുകളുടെ സാമ്പത്തിക മൂല്യം 95,862,415 റിയാലുമാണ്. ഉമ്മുസലാല്‍ മുനിസിപ്പാലിറ്റി 66, 304,131 റിയാല്‍ മൂല്യമുള്ള ഇടപാടുകളാണ് രേഖപ്പെടുത്തിയത്. അല്‍ ഖോര്‍, അല്‍ ദാക്കിര മുനിസിപ്പാലിറ്റികള്‍ 33,672,564 റിയാല്‍ മൂല്യമുള്ള ഇടപാടുകള്‍ രേഖപ്പെടുത്തിയപ്പോള്‍ , അല്‍ ഷമാല്‍ മുനിസിപ്പാലിറ്റി 15,911,165 റിയാലിന്റെ മൂല്യത്തിലും അല്‍ ഷഹാനിയ മുനിസിപ്പാലിറ്റി 714,286 റിയാല്‍ മൂല്യത്തിലുമെത്തി.
