സംസ്കാരം, കായികം, സുസ്ഥിരത എന്നിവക്ക് മുന്ഗണന നല്കി ഖത്തര് ടൂറിസത്തിന്റെ നവംബര് കലണ്ടര്
അമാനുല്ല വടക്കാങ്ങര
ദോഹ. ഖത്തര് ടൂറിസത്തിന്റെ നവംബര് എഡിഷന് അതിന്റെ പ്രതിമാസ ഖത്തര് കലണ്ടര് ഗൈഡില് കല, സംസ്കാരം, കായികം, സുസ്ഥിരത എന്നിവയില് ശ്രദ്ധ കേന്ദ്രീകരിക്കുന്ന നിരവധി പരിപാടികളാണ് അവതരിപ്പിക്കുന്നത്. എക്സ്പോ 2023 ദോഹ ഉദ്ഘാടനം, ജനീവ ഇന്റര്നാഷണല് മോട്ടോര് ഷോ ഖത്തര്, ഫോര്മുല 1 എന്നിവ ഉള്പ്പെടെ ഒക്ടോബറില് നടന്ന പ്രധാന പരിപാടികളുടെ തുടര്ച്ചയായാണ് സംസ്കാരം, കായികം, സുസ്ഥിരത എന്നിവക്ക് മുന്ഗണന നല്കുന്ന പരിപാടികള് അവതരിപ്പിക്കുന്നതെന്ന് ഖത്തര് ടൂറിസത്തിലെ ടൂറിസം ഇവന്റ്സ് ആന്ഡ് ഫെസ്റ്റിവല് ഓര്ഗനൈസിങ് വിഭാഗം ആക്ടിംഗ് ഹെഡ് ഷെയ്ഖ നൂര് അബ്ദുല്ല അല്താനി പറഞ്ഞു.
വൈവിധ്യമാര്ന്ന സാംസ്കാരിക, കായിക പരിപാടികള് അവതരിപ്പിക്കുന്നതില് ഖത്തര് ടൂറിസത്തിന് അഭിമാനമുണ്ട്. നവംബര് മാസത്തില് ആര്ട്ട് എക്സിബിഷനുകള്, ഖത്തര് സസ്റ്റൈനബിലിറ്റി വീക്കിന്റെ തിരിച്ചുവരവ്, ഏറെ പ്രതീക്ഷയോടെ കാത്തിരിക്കുന്ന മോട്ടോ ജിപി, വിവിധ കായിക ചാമ്പ്യന്ഷിപ്പുകള് എന്നിവ നടക്കും.
ഖത്തറിലുടനീളമുള്ള കലാവേദികള് ഈ മാസം വിവിധ ആര്ട്ട് എക്സിബിഷനുകളും ശില്പശാലകളും സംഘടിപ്പിക്കും. എം 7 ല് നടന്നുവരുന്ന ക്രാഫ്റ്റിംഗ് സ്പേസ് എക്സിബിഷന് ഡിസംബര് 9 വരെയും ഐക്കണ്: വോയ്സ് ഓഫ് ഡിസൈന് മെയ്ഡ് ഇന് ഇറ്റലി എക്സിബിഷന് ഡിസംബര് 20 വരേയും , എം 7 പോപ്പ് അപ്പ് നവംബര് 03 വരേയും , ഹോം സ്റ്റൈലിംഗ് വര്ക്ക്ഷോപ്പ് നവംബര് 08 വരേയും 100% കാര്ഡ്ബോര്ഡ് വര്ക്ക്ഷോപ്പ് നവംബര് 18 വരേയും നീണ്ടുനില്ക്കും.
മത്താഫ്: അറബ് മ്യൂസിയം ഓഫ് മോഡേണ് ആര്ട്ട് രണ്ട് ആര്ട്ട് എക്സിബിഷനുകള് ആതിഥേയത്വം വഹിക്കുന്നത് തുടരും: ക്വാറന്റൈനില് നഗരങ്ങള്: മെയില്ബോക്സ് പ്രോജക്റ്റ് വാറ്റിയെടുത്ത പാഠങ്ങള്: അറബ് ആധുനികതയിലെ സംഗ്രഹം എന്നിവ മാര്ച്ച് 5 വരെ തുടരും.
ഫയര് സ്റ്റേഷന് മ്യൂസിയത്തിലെ ദി പ്രസന്റ്: ദി ഫ്യൂച്ചര് ഓഫ് ദി പാസ്റ്റ് എക്സിബിഷന് ഡിസംബര് 16 വരേയും സിറ്റി സെന്റര് ദോഹ മാളിലെ സ്പോര്ട്സ് കാര് എക്സിബിഷന് നവംബര് 19 വരേയും ഖത്തര് എക്സ്പോ ബിദ്ദ പാര്ക്കിലെ മൊബിലിറ്റി എക്സിബിഷനിലെ കള്ച്ചറല് സോണില് ദി സൈക്കിള് ആന്ഡ് ദി ഫ്യൂച്ചര് മാര്ച്ച് 16 വരേയും മ്യൂസിയം ഓഫ് ഇല്യൂഷന്സ് ജനുവരി 1 വരേയും നടക്കും.
രാജ്യത്തിന്റെ സംസ്കാരത്തിലും പൈതൃകത്തിലും മുഴുകാന് ആഗ്രഹിക്കുന്ന താമസക്കാര്ക്കും സന്ദര്ശകര്ക്കും കത്താറ ബീച്ചില് നടക്കുന്ന കത്താറ പരമ്പരാഗത ദൗ ഫെസ്റ്റിവല് (നവംബര് 28 – ഡിസംബര് 2), ലോംഗൈന്സ് അരീനയിലെ അല് ഷഖാബ് ഇന്റര്നാഷണല് അറേബ്യന് ഹോഴ്സ് ഷോ (നവംബര് 17-19) സന്ദര്ശിക്കാം. കത്താറ ഹാളില് (നവംബര് 1 മുതല് 4 വരെ) നടക്കുന്ന അബ്രാക്കാഡബ്ര തിയറ്റര് പ്ലേയും ഖത്തറിലെ നാഷണല് മ്യൂസിയത്തില് ഫെബ്രുവരി 17 വരെനടക്കുന്ന ഗ്രോയിംഗ് കോപ്പി, ഡ്രിങ്കിംഗ് ഖഹ്വ: ഖത്തറിലെയും ഇന്തോനേഷ്യയിലെയും കാപ്പിയുടെ കഥകളുടെ ഒരു പരമ്പര എന്നിവയും ആസ്വദിക്കാം.
നവംബര് 5 വരെ നടക്കുന്ന അറബ് പാഡല് ചാമ്പ്യന്ഷിപ്പും നവംബര് 6 – 12 വരെ നടക്കുന്ന ഗള്ഫ് പാഡല് ചാമ്പ്യന്ഷിപ്പും ഡിസംബര് 3 വരെ നടക്കുന്ന ക്യുആര്എസ് ഫാള് എഡിഷന് 2023 , നവംബര് 3 – 4 തിയ്യതികളില് നടക്കുന്ന ബാസ്ക്കറ്റ്ബോള് ടൂര്ണമെന്റ്, നവംബര് 17 – 19 വരെ നടക്കുന്ന ഖത്തര് എയര്വേയ്സിന്റെ ഖത്തര് മോട്ടോ ജിപി 2023 മുതലായവ കായിക പ്രേമികളെ ആകര്ഷിക്കും.
കൂടാതെ, ഖത്തറിന്റെ ദേശീയ പക്ഷിയായ ഫാല്ക്കണിനെ ആദരിക്കുന്ന രണ്ട് മത്സരങ്ങളും ഖത്തര് ഫാല്ക്കണ്റി ചാമ്പ്യന്ഷിപ്പ് ‘ഇസ്ഫാരി’ (നവംബര് 3-9), റാസ് ലഫാന് ഫാല്ക്കണ്റി ചാമ്പ്യന്ഷിപ്പ് (നവംബര് 17-25) എന്നിവയും നവംബറില് നടക്കും.
ആഗോള ടൂറിസത്തിന്റെ പുതിയ വാതായനങ്ങള് തുറക്കുന്ന ഖത്തര് ട്രാവല് മാര്ട്ടിന്റെ രണ്ടാം പതിപ്പ് നവംബര് 20 – 22 വരെ നടക്കും. ഖത്തര് ഫൗണ്ടേഷന്റെ പ്രശസ്ത സംരംഭമായ വേള്ഡ് ഇന്നൊവേഷന് സമ്മിറ്റ് ഫോര് എഡ്യൂക്കേഷന്റെ 2023 പതിപ്പ് നവംബര് 28 മുതല് 29 വരെ നടക്കും.
നവംബര് 4 മുതല് 11 വരെ നടക്കുന്ന ഖത്തര് സുസ്ഥിരത വീക്ക് 2023, ഒക്ടോബര് 30 മുതല് നവംബര് 2 വരെ നടക്കുന്ന മരുഭൂമിയിലെ കാലാവസ്ഥയിലെ സുസ്ഥിര ഊര്ജം-ജല പരിസ്ഥിതി നെക്സസ് 2023 എന്നിവയെക്കുറിച്ചുള്ള അന്താരാഷ്ട്ര കോണ്ഫറന്സും നവംബറില് സുസ്ഥിരതയില് ശ്രദ്ധ കേന്ദ്രീകരിക്കും.
നവംബര് 29 മുതല് ഡിസംബര് 2 വരെ ദോഹ എക്സിബിഷന് ആന്ഡ് കണ്വെന്ഷന് സെന്ററില് മെയ്ഡ് ഇന് ഖത്തര് എക്സിബിഷനും നവംബര് 27 മുതല് ഡിസംബര് 8 വരെ ഗലേറിയ അല് ഹസ്മില് നടക്കുന്ന തീബ് അല്ഹാസ്ം എക്സിബിഷന്റെ എട്ടാമത് എഡിഷനുമാണ് ഖത്തര് ടൂറിസത്തിന്റെ നവംബര് കലണ്ടറില് സ്ഥാനം പിടിച്ച പ്രധാനപ്പെട്ട മറ്റു പരിപാടികള്.
