ഡോ: ഷഫീഖ് കോടങ്ങാടിന്റെ ”ബിസിനസ് രസതന്ത്രം” പ്രകാശനം ചെയ്തു
ദോഹ:പ്രമുഖ ബിസിനസ് സ്ഥാപനമായ മവാസിം ബിസിനസ് ഗ്രൂപ്പ് എം.ഡി ഡോ: ഷഫീഖ് കോടങ്ങാട് രചിച്ച ”ബിസിനസ് രസതന്ത്രം” എന്ന പുസ്തകം നാല്പത്തി മൂന്നാമത് ഷാര്‍ജ ഇന്റര്‍നാഷണല്‍ ബുക് ഫെയറില്‍ വെച്ച് സാമൂഹിക സാംസ്‌കാരിക രംഗങ്ങളിലെ മഹത് വ്യക്തിത്വങ്ങളുടെ സാന്നിധ്യത്തില്‍ പ്രകാശിതമായി.
”ബിസിനസ് രസതന്ത്രം” എന്ന വാക്ക് സൂചിപ്പിക്കുന്ന പോലെ സംരംഭകര്‍ക്കും പുതുതലമുറയിലെ ബിസിനസുകാര്‍ക്കും ഈ പുസ്തകം വലിയ മുതല്‍ക്കൂട്ടാകുമെന്ന് പുസ്തകം പ്രകാശനം ചെയ്ത ബഷീര്‍ ഫൈസി അഭിപ്രായപ്പെട്ടു , കബീര്‍ നദ്വി ഖത്തര്‍ , ബുക്പ്ലസ് പബ്ലിഷേഴ്സ് മാനേജര്‍ സൈനുദ്ദീന്‍ മാലൂര്‍ , കാലിക്കറ്റ് യൂണിവേഴ്‌സിറ്റി സിണ്ടിക്കേറ്റ് മെമ്പര്‍ അന്‍വര്‍ ഷാഫി ചുങ്കത്തറ , സമസ്ത മുശാവറ അംഗം സി.കെ അബ്ദുറഹ്‌മാന്‍ ഫൈസി , മവാസിം ജനറല്‍ മാനേജര്‍ ഹമീദ് ഹുദവി, സി. ഷാബു ഹിറ്റ് എഫ്.എം, കവി കുഴൂര്‍ വില്‍സണ്‍ എന്നിവര്‍ സംബന്ധിച്ചു.
