Uncategorized
റൊണാള്‍ഡോയുടെ ഇരട്ടഗോളിന്റെ പിന്‍ബലത്തില്‍ അല്‍ നാസര്‍ അല്‍ ഗരാഫയെ 3-1ന് തകര്‍ത്തു
ദോഹ: അല്‍ ബെയ്ത്ത് സ്‌റ്റേഡിയത്തില്‍ ഇന്നലെ നടന്ന ആവേശകരമായ മല്‍സരത്തില്‍ റൊണാള്‍ഡോയുടെ ഇരട്ടഗോളിന്റെ പിന്‍ബലത്തില്‍ അല്‍ നാസര്‍ അല്‍ ഗരാഫയെ 3-1ന് തകര്‍ത്തു.
ആദ്യ പകുതിയില്‍ നാല് അവസരങ്ങളാണ് റൊണാള്‍ഡോക്ക് നഷ്ടമായത്. എന്നാല്‍ കളിയുടെ 46-ാം മിനിറ്റില്‍ സമയബന്ധിതമായ ഹെഡ്ഡറിലൂടെ പോര്‍ച്ചുഗീസ് സൂപ്പര്‍ താരം ഗറാഫയുടെ വല കുലുക്കി. 58-ാം മിനിറ്റില്‍ മികച്ച ഫിനിഷിലൂടെ ആഞ്ചലോ അല്‍ നാസറിന്റെ രണ്ടാം ഗോള്‍ നേടി.
64-ാം മിനിറ്റില്‍ ബോക്സിന്റെ മധ്യത്തില്‍ നിന്ന് ക്ലിനിക്കല്‍ വലംകാല്‍ സ്ട്രൈക്കിലൂടെ റൊണാള്‍ഡോ വീണ്ടും ഗറാഫയുടെ വലകുലുക്കിയതോടെ അല്‍ നസര്‍ വിജയമുറപ്പിച്ചു.
75-ാം മിനിറ്റില്‍ അല്‍ ഗരാഫയുടെ ജോസെലു ആതിഥേയ ടീമിന് പ്രതീക്ഷയുടെ തിളക്കം നല്‍കിയെങ്കിലും അല്‍ നസറിന്റെ പടക്കുതിരകളോട് പിടിച്ച് നില്‍ക്കാനായില്ല.
