Local News
ഏഷ്യന് ക്രിക്കറ്റ് കൗണ്സില് റൈസിംഗ് സ്റ്റാര്സ് ഏഷ്യാ കപ്പ് നവംബര് 14 മുതല് 23 വരെ ദോഹയില്
ദോഹ. ഏഷ്യന് ക്രിക്കറ്റ് കൗണ്സില് റൈസിംഗ് സ്റ്റാര്സ് ഏഷ്യാ കപ്പ് നവംബര് 14 മുതല് 23 വരെ ദോഹയില് വെസ്റ്റ്-എന്ഡ് ഇന്റര്നാഷണല് ക്രിക്കറ്റ് സ്റ്റേഡിയത്തില് നടക്കുമെന്ന് ഖത്തര് ക്രിക്കറ്റ് അസോസിയേഷന് അറിയിച്ചു.
ഇന്ത്യ എ, പാകിസ്ഥാന് എ, അഫ്ഗാനിസ്ഥാന്, ബംഗ്ലാദേശ്, ഒമാന്, യുഎഇ, ഹോങ്കോംഗ്, ശ്രീലങ്ക എന്നീ എട്ട് ടീമുകളാണ് ടി20 ടൂര്ണമെന്റില് പങ്കെടുക്കുന്നത്. ഈ പുതിയ ഫോര്മാറ്റില്, പൂര്ണ്ണ അംഗ രാജ്യങ്ങള് അവരുടെ എ ടീമുകളെ മത്സരിപ്പിക്കും, അതേസമയം അസോസിയേറ്റ് രാജ്യങ്ങള് അവരുടെ പ്രധാന ടീമുകളെ മത്സരിപ്പിക്കും.
