കൂടുതല് സൗകര്യങ്ങളോടും വമ്പന് ഓഫറുകളോടും കൂടി ഐന്ഖാലിദില് മര്സ ഹൈപ്പര്മാര്ക്കറ്റ് വീണ്ടും തുറക്കുന്നു
ദോഹ. ഐന് ഖാലിദിലെ ഷോപ്പിങ് രംഗത്ത് ശ്രദ്ധേയ സാന്നിധ്യമായി മാറിയ മര്സ ഹൈപ്പര്മാര്ക്കറ്റ് കൂടുതല് ആധുനിക സൗകര്യങ്ങളോടെ ഉപഭോക്താക്കള്ക്കായി വീണ്ടും വാതില് തുറക്കുന്നു. നീണ്ട നാളത്തെ നവീകരണ പ്രവര്ത്തനങ്ങള്ക്ക് ശേഷം പുതുമയാര്ന്ന ഭാവത്തില് ഒരുങ്ങിയ ഹൈപ്പര്മാര്ക്കറ്റിന്റെ ഉദ്ഘാടനം ഫെബ്രുവരി രണ്ടിന് രാവിലെ 11 മണിക്ക് നടക്കും.
മര്സയുടെ വളര്ച്ചയില് നിര്ണ്ണായക പങ്കുവഹിച്ച ഈ ആദ്യ ഔട്ട്ലെറ്റ്, വിപണിയിലെ മാറുന്ന ട്രെന്ഡുകള്ക്കൊപ്പം സഞ്ചരിക്കാന് സജ്ജമായാണ് രണ്ടാം വരവിനൊരുങ്ങുന്നത്.
ലളിതവും എന്നാല് അത്യാധുനികവുമായ ഇന്റീരിയര് ഡിസൈനാണ് നവീകരിച്ച സ്റ്റോറിന്റെ പ്രധാന സവിശേഷത. ഷോപ്പിങ് കൂടുതല് സുഗമമാക്കുന്ന സ്മാര്ട്ട് ലേ ഔട്ടുകളും വിശാലമായ ഇടങ്ങളും ഉപഭോക്താക്കള്ക്ക് വ്യത്യസ്തമായ അനുഭവം സമ്മാനിക്കും. ഉപഭോക്താക്കളുടെ സമയ ലാഭത്തിനും സൗകര്യത്തിനും മുന്ഗണന നല്കിക്കൊണ്ടുള്ള മാറ്റങ്ങളാണ് ഓരോ വിഭാഗത്തിലും വരുത്തിയിട്ടുള്ളതെന്ന് മാനേജ്മെന്റ് വ്യക്തമാക്കി.
മര്സ എന്ന ബ്രാന്ഡിന്റെ തുടക്കം കുറിച്ച ഐന് ഖാലിദിലെ ഈ ശാഖ, ഗ്രൂപ്പിന്റെ റീട്ടെയില് യാത്രയിലെ സുപ്രധാന നാഴികക്കല്ലാണ്. ഗുണമേന്മയുള്ള ഉല്പ്പന്നങ്ങള് സാധാരണക്കാര്ക്ക് താങ്ങാനാവുന്ന വിലയില് ലഭ്യമാക്കുക എന്ന തങ്ങളുടെ അടിസ്ഥാന തത്വം കാത്തുസൂക്ഷിച്ചുകൊണ്ട് തന്നെയാണ് ഈ മാറ്റം. റീട്ടെയില് മേഖലയിലെ ഏറ്റവും പുതിയ സാങ്കേതിക വിദ്യകളും ആധുനിക സേവനങ്ങളും ഇവിടെ സജ്ജമാക്കിയിട്ടുണ്ട്.
പുതുമയാര്ന്ന സൗകര്യങ്ങളോടെ വീണ്ടും പ്രവര്ത്തനം ആരംഭിക്കുന്ന അവസരത്തില്, ഉപഭോക്താക്കള്ക്കായി ആകര്ഷകമായ ഓഫറുകളും പ്രത്യേക പ്രമോഷനുകളും ഒരുക്കിയിട്ടുണ്ട്. നിത്യോപയോഗ സാധനങ്ങള് മുതല് ഇലക്ട്രോണിക്സ് വരെ ഉള്പ്പെടുന്ന വിപുലമായ ഉല്പ്പന്ന നിരയ്ക്ക് വമ്പിച്ച വിലക്കിഴിവുകളാണ് പ്രഖ്യാപിച്ചിരിക്കുന്നത്.
ഐന് ഖാലിദിലെയും പരിസര പ്രദേശങ്ങളിലെയും താമസക്കാര്ക്ക് ഏറ്റവും മികച്ച ഷോപ്പിങ് ഡെസ്റ്റിനേഷനായി മര്സയെ വീണ്ടും അടയാളപ്പെടുത്തുകയാണ് ഈ നീക്കത്തിലൂടെ ലക്ഷ്യമിടുന്നത്.
ഐന് ഖാലിദിലെ ഷോപ്പിങ് അനുഭവത്തിന് പുതുഭാവം നല്കുന്ന ഈ നവീകരിച്ച ഷോപ്പിലേക്ക് എല്ലാ ഉപഭോക്താക്കളെയും മാനേജ്മെന്റ് ഹൃദയം നിറഞ്ഞ് സ്വാഗതം ചെയ്തു. ഫെബ്രുവരി രണ്ടിന് നടക്കുന്ന പ്രൗഢഗംഭീരമായ ഉദ്ഘാടന ചടങ്ങോടെ, പ്രദേശത്തെ റീട്ടെയില് രംഗത്ത് ഒരു പുതുഅധ്യായത്തിന് തുടക്കം കുറിക്കുമെന്ന് അധികൃതര് അറിയിച്ചു.
