ഡോ. അമാനുല്ല വടക്കാങ്ങര

ദോഹ. ഏഷ്യന്‍ ആഫ്രിക്കന്‍ രാജ്യങ്ങളില്‍ ശാഖകള്‍ തുടങ്ങാനൊരുങ്ങി ഖത്തര്‍ യൂണിവേര്‍സിറ്റി . ചില ഏഷ്യന്‍ ആഫ്രിക്കന്‍ രാജ്യങ്ങളില്‍ ഖത്തര്‍ യൂണിവേര്‍സിറ്റി ശാഖകള്‍ ആരംഭിക്കുവാന്‍ ആലോചിക്കുന്നതായി യുണിവേര്‍സിറ്റി പ്രസിഡണ്ട് ഡോ. ഹസന്‍ റാഷിദ് അല്‍ ദിര്‍ഹാം അഭിപ്രായപ്പെട്ടു. ഖത്തര്‍ ശൂറയുടെ ക്ഷണപ്രകാരം വാരാന്ത ശൂറ യോഗത്തിലാണ് യൂണിവേര്‍സിറ്റിയുടെ വികസന പദ്ധതികളെക്കുറിച്ച് പ്രസിഡണ്ട് സംസാരിച്ചത്.

ഉന്നത വിദ്യാഭ്യാസ രംഗത്ത് ലോക റാങ്കിംഗില്‍ ഉയര്‍ന്ന സ്ഥാനമുള്ള യൂണിവേര്‍സിറ്റിയുടെ കോഴ്‌സുകള്‍ക്ക് ഏറെ ഡിമാന്റുണ്ട്.

സാങ്കേതിക ഗവേഷനം പ്രോല്‍സാഹിപ്പിക്കുന്നതിനായി ഖത്തര്‍ യൂണിവേര്‍സിറ്റി ടെക്‌നിക്കല്‍ കമ്പനി, ഗവണ്‍മെന്റിനും മറ്റു ഏജന്‍സികള്‍ക്കും വിദഗ്‌ധോപദേശവും കണ്‍സല്‍ട്ടന്‍സിയും നല്‍കുന്നതിനായി ഖത്തര്‍ യൂണിവേര്‍സിറ്റി നോളജ് ഗ്രൂപ്പ്, സാമ്പത്തിക സുസ്ഥിരത ഉറപ്പുവരുത്തുന്നതിനുള്ള പദ്ധതി തുടങ്ങിയവയും യൂണിവേര്‍സിറ്റിയുടെ പരിഗണനയിലുള്ള സുപ്രധാന പരിപാടികളാണെന്ന് പ്രസിഡണ്ട് വിശദീകരിച്ചു.