Uncategorized
ലുലു ഇന്റര്സെക്ഷന് വെളളിയാഴ്ച മുതല് ഭാഗികമായി തുറക്കും
ഡോ. അമാനുല്ല വടക്കാങ്ങര
ദോഹ: ഖത്തറിലെ ഏറ്റവും തിരക്കേറിയ ഡി റിംഗ് റോഡിലെ ലുലു ഇന്റര്സെക്ഷന് വെളളിയാഴ്ച മുതല് ഭാഗികമായി തുറക്കുമെന്ന് പബ്ളിക് വര്ക്സ് അതോരിറ്റി അറിയിച്ചു. ജനറല് ഡയറക്ടറേറ്റ് ഓഫ് ട്രാഫിക്കുമായി സഹകരിച്ചാണ് ഇന്റര്സെക്ഷന് തുറക്കുക.
ഡി-റിംഗ് റോഡിന്റെ നവീകരണ പ്രവര്ത്തനങ്ങളുടെ ഭാഗമായി 2020 ഓഗസ്റ്റ് മുതല് ആറ് മാസത്തേക്ക് റോഡ് ഭാഗികമായി അടച്ചിരുന്നു.
ഡി-റിംഗ് റോഡിന്റെ നവീകരണ പ്രവര്ത്തനങ്ങള് അല് ടഡാമോണ് ഇന്റര്സെക്ഷന്, നുഐജ ഇന്റര്സെക്ഷന്, ലുലു ഇന്റര്സെക്ഷന് എന്നിവയുടെ പ്രവര്ത്തനം മെച്ചപ്പെടുത്താനും പാതകളുടെ എണ്ണം വര്ദ്ധിപ്പിച്ച് ഗതാഗതം സുഗമമാക്കാനും സഹായിക്കും.
