ആസാദി കാ അമൃത് മഹോത്സവ് ഇന്ന്
ഡോ. അമാനുല്ല വടക്കാങ്ങര
ദോഹ : ഇന്ത്യന്‍ സ്വാതന്ത്ര്യത്തിന്റെ 75ാം വാര്‍ഷികത്തോടനുബന്ധിച്ച് ഇന്ത്യന്‍ എംബസിയും ഇന്ത്യന്‍ കള്‍ചറല്‍ സെന്ററും സംയുക്തമായി സംഘടിപ്പിക്കുന്ന 75 ആഴ്ച്ചകള്‍ നീണ്ടുനില്‍ക്കുന്ന ആസാദി കാ അമൃത് മഹോത്സവ് ആഘോഷപരിപാടികള്‍ക്ക് ഇന്ന് തുടക്കമാവും.വൈകുന്നേരം 6 മണിക്ക് ഇന്ത്യന്‍ കള്‍ചറല്‍ സെന്റര്‍ അശോക ഹാളിലാണ് പരിപാടി നടക്കുക
കോവിഡ് പ്രോട്ടോക്കോളിന്റെ ഭാഗമായി വിര്‍ച്വല്‍ പ്ലാറ്റ്‌ഫോമുകളിലാണ് പൊതുജനങ്ങള്‍ക്ക് പരിപാടി വീക്ഷിക്കുവാന്‍ സൗകര്യമൊരുക്കിയിരിക്കുന്നത് .
വിദേശകാര്യ മന്ത്രാലയത്തിലെ ഏഷ്യന്‍ അഫയേഴ്‌സ് ഡിപ്പാര്‍ട്ട്‌മെന്റ് ഡയറക്ടര്‍ അംബാസര്‍ ഖാലിദ് ബിന്‍ ഇബ്‌റാഹീം അല്‍ ഹമര്‍, ഇന്ത്യന്‍ അംബാസഡര്‍ ഡോ. ദീപക് മിത്തല്‍ എന്നിവര്‍ സംബന്ധിക്കും.
പരിപാടി indianembassyqatar, iccdoha എന്നീ ഫെയ്‌സ്ബുക്ക് പേജുകളിലും indianembassy doha – qatar എന്ന യൂട്യൂബ് ചാനലിലൂടെയും തല്‍സമയം വീക്ഷിക്കാവുന്നതാണ്.
