ഐ.സി.ബി.എഫിന്റെ ഹീല്‍ ഇന്ത്യ ക്യാമ്പയിനിന് സി.എ.ടി ഗ്രൂപ്പിന്റെ കൈതാങ്ങ്
ദോഹ : കോവിഡ് രണ്ടാം തരംഗം ദുരന്തം വിതക്കുന്ന ഇന്ത്യയില്‍ അത്യാവശ്യമായ ഓക്‌സിജന്‍ സിലിണ്ടറുകള്‍, കോണ്‍സെന്‍ട്രേറ്ററുകള്‍, അടിയന്തിര വൈദ്യ ഉപകരണങ്ങള്‍ തുടങ്ങിയ സഹായമെത്തിക്കുന്നതിന് ഖത്തറിലെ ഇന്ത്യന്‍ സമൂഹത്തിന് വേണ്ടി ഇന്ത്യന്‍ കമ്മ്യൂണിറ്റി ബനവലന്റ് ഫോറം നടത്തുന്ന ഹീല്‍ ഇന്ത്യ കാമ്പയിന് പിന്തുണയുമായി സി.എ.ടി ഗ്രൂപ്പ്
സി.എ.ടി ഗ്രൂപ്പ് ജനറല്‍ മാനേജര്‍ മാര്‍സലിനോ ഗോറയാബ് ഐ.സി.ബി.എഫ് പ്രസിഡന്റ് സിയാദ് ഉസ്മാന് ചെക്ക് കൈമാറി.
സി.എ.ടി ഗ്രൂപ്പ് പ്രതിനിധികളായ അദ്‌നാന്‍ അല്‍ മുബാറക്, നിലേഷ് പത്‌നോല്‍കര്‍, എം.എം.ക്യൂ പ്രസിഡന്റ് സഞ്ജയ് പാട്ടീല്‍, വൈസ് പ്രസിഡന്റ് നിലേഷ് പരേസ്‌കര്‍, ജനറല്‍ സെക്രട്ടറി സുശാന്ത് സവാര്‍ദേകര്‍, ഐ.സി.ബി.എഫ് വൈസ് പ്രസിഡന്റ് വിനോദ് വി നായര്‍, ജനറല്‍ സെക്രട്ടറി സബിത്ത് സഹീര്‍ എന്നിവര്‍ പരിപാടിയില്‍ പങ്കെടുത്തു.
ഹീല്‍ ഇന്ത്യ ക്യാമ്പയിന് സി.എ.ടി ഗ്രൂപ്പിന്റെ പിന്തുണക്ക് ഐ.സി.ബി.എഫ് നന്ദി അറിയിച്ചു.
