ഖത്തറില് ഇന്നും സാമൂഹ്യ വ്യാപനത്തേക്കാള് കൂടുതല് കോവിഡ് രോഗികള് യാത്രക്കാരില്
ഡോ. അമാനുല്ല വടക്കാങ്ങര
ദോഹ : ഖത്തറില് ഇന്നും സാമൂഹ്യ വ്യാപനത്തേക്കാള് കോവിഡ് രോഗികള് യാത്രക്കാരില്. സാമൂഹ്യ വ്യാപനത്തേക്കാള് കൂടുതല് കോവിഡ് രോഗികള് യാത്രക്കാരില് റിപ്പോര്ട്ട് ചെയ്യപ്പെടുന്നത് ഏറെ അപകടകരമാണ്.
കഴിഞ്ഞ 24 മണിക്കൂറിനുള്ളില് നടന്ന 18029 പരിശോധനകളില് 79 യാത്രക്കാര്ക്ക് കോവിഡ് സ്ഥിരീകരിച്ചപ്പോള് 78 പേര്ക്ക് മാത്രമാണ് സാമൂഹ്യ വ്യാപനത്തിലൂടെ രോഗം സ്ഥിരീകരിച്ചത്. മൊത്തം 157 കേസുകളാണ് ഇന്ന് റിപ്പോര്ട്ട് ചെയ്തത്.
199 പേര്ക്കാണ് ഇന്ന് രോഗമുക്തി റിപ്പോര്ട്ട് ചെയ്തത്. ഇതോടെ രാജ്യത്ത് ചികില്സയിലുള്ള മൊത്തം രോഗികള് 2165 ആയി.
ചികിത്സയിലായിരുന്ന 45, 59 വയസ്സ് പ്രായമുള്ള രണ്ട് പേര് മരണത്തിന് കീഴടങ്ങിയതോടെ രാജ്യത്തെ മൊത്തം കോവിഡ് മരണം 579 ആയി.
കഴിഞ്ഞ 24 മണിക്കൂറിനുള്ളില് 6 പേര് ആശുപത്രിയില് പ്രവേശിപ്പിക്കപ്പെട്ടതോടെ ആശുപത്രികളില് ചികില്സയിലുള്ളവരുടെ എണ്ണം 147 ആയി. കഴിഞ്ഞ ദിവസം പുതുതായി തീവ്ര പരിചരണ വിഭാഗത്തില് ആരും പ്രവേശിപ്പിക്കപ്പെട്ടില്ല. 85 പേരാണ് ഇപ്പോള് തീവ്ര പരിചരണ വിഭാഗത്തില് ചികിത്സയിലുള്ളത്.
