Uncategorized
ഇന്ത്യന്‍ ബജറ്റ് കരിയറായ ഗോ ഫസ്റ്റ് എയര്‍ലൈനിന്റെ മുംബൈ, കൊച്ചി, കണ്ണൂര്‍ എയര്‍പോര്‍ട്ടുകളില്‍ നിന്നുള്ള ദോഹ സര്‍വ്വീസ് ആഗസ്റ്റ് 5 മുതല്‍
അഫ്‌സല്‍ കിളയില്‍
ദോഹ : ഇന്ത്യയുടെ ലോ കോസ്റ്റ് എയര്‍ലൈനായ ഗോ ഫസ്റ്റ് ആഗസ്റ്റ് 5 മുതല്‍ മുംബൈ, കൊച്ചി, കണ്ണൂര്‍ എന്നീ ഇന്ത്യന്‍ നഗരങ്ങളില്‍ നിന്നും ദോഹയിലേക്ക് നേരിട്ട് സര്‍വ്വീസ് ആരംഭിക്കുന്നു.
ദോഹ – മുംബൈ റൂട്ടില്‍ പ്രതിവാരം നാല് സര്‍വ്വീസുകളാണ് ഉണ്ടാകുക. തിങ്കള്‍, ചൊവ്വ, വ്യാഴം, ശനി ദിവസങ്ങളിലായിരിക്കും സര്‍വ്വീസ്. കൊച്ചി – ദോഹ ആഴ്ചയില്‍ വ്യാഴം, ശനി ദിവസങ്ങളിലായി രണ്ട് സര്‍വ്വീസുകളുണ്ടാകും. കണ്ണൂര്‍, ദോഹ വെള്ളി, ഞായര്‍ ദിവസങ്ങളിലായി രണ്ട് സര്‍വ്വീസുകളാണുണ്ടാവുക.
വേനലവധി കഴിഞ്ഞ് നിരവധി പ്രവാസികള്‍ ദോഹയിലേക്ക് തിരിച്ച് വരാന്‍ തയ്യാറാകുന്ന സാഹചര്യത്തില്‍ ഈ പുതിയ ലോ കോസ്റ്റ് എയര്‍ലൈന്‍ സര്‍വ്വീസ് ആരംഭിക്കുന്നത് വലിയ അനുഗ്രഹമാകും.
