ക്യൂ.സി.എഫ്.എല് കമ്മ്യൂണിറ്റി വേള്ഡ് കപ്പ് 2021ന് തയ്യാറെടുക്കുന്ന ഇന്ത്യന് ടീമിന്റെ ജേഴ്സി പ്രകാശനം ചെയ്തു
ഡോ. അമാനുല്ല വടക്കാങ്ങര : –
ദോഹ : ക്യൂ.സി.എഫ്.എല് കമ്മ്യൂണിറ്റി വേള്ഡ് കപ്പ് 2021ന് തയ്യാറെടുക്കുന്ന ഇന്ത്യന് ടീമിന്റെ ജേഴ്സി പ്രകാശനം ചെയ്തു. ഇന്ത്യന് എംബസിയില് നടന്ന ചടങ്ങില് അംബാസഡര് ഡോ. ദീപക് മിത്തലാണ് ജേഴ്സി പ്രകാശനം ചെയ്തത്.
പ്രകാശന ചടങ്ങില് ഐ.എസ്.സി പ്രസിഡന്റ് ഡോ. മോഹന് തോമസ്, ചീഫ് കോഡിനേറ്റിംഗ് ഓഫീസര് അറ്റ്ല മോഹന്, സിറ്റി എക്സ്ചേഞ്ച് ഹെഡ് ഓഫ് ഓപറേഷന്സ് ഷാനിബ് ശംസുദ്ധീന്, ബിസിനസ് ഡെവലപ്മെന്റ് മാനേജര് ഹുസൈന് അബ്ദുല്ല, ഐ.സ്്.സി ഫുട്ബോള് ഇന്ചാര്ജ് ജോണ് ഡേസ, ടീം ക്യാപ്റ്റന് സതീഷ് തുടങ്ങിയവര് പങ്കെടുത്തു.
ഖത്തറിലുള്ള വിവിധ രാജ്യക്കാരായ കമ്മ്യൂണിറ്റി ടീമുകള് മാറ്റുരക്കുന്ന ഖത്തര് കമ്മ്യൂണിറ്റി ഫുട്ബോള് ലീഗ് മത്സരത്തിന് റയ്യാനിലെ അഹ്മദ് ബിന് അലി സ്റ്റേഡിയമാണ് വേദിയാവുന്നത്.
ഇന്ത്യന് സ്പോര്ട്സ് സെന്റര് നയിക്കുന്ന ഇന്ത്യന് ടീമിന്റെ പ്രായോജകര് സിറ്റി എക്സ്ചേഞ്ചും റിയ മണിയുമാണ്. ഇംഗ്ലണ്ടുമായാണ് ഇന്ത്യയുടെ ആദ്യത്തെ മത്സരം.
