പി.സി.സി. വെബിനാര്‍ ഇന്ന്, അഡ്വ : കാളീശ്വരം രാജ് , പ്രമോദ് രാമന്‍ എന്നിവര്‍ സംസാരിക്കും
അമാനുല്ല വടക്കാങ്ങര
ദോഹ : ഖത്തറിലെ വിവിധ പ്രവാസി സംഘടനകളുടെ കൂട്ടായമയായ പ്രവാസി കോര്‍ഡിനേഷന്‍ കമ്മറ്റി സംഘടിപ്പിക്കുന്ന വെബിനാര്‍ ഇന്ന് ( വ്യാഴം ) നടക്കുമെന്ന് ഭാരവാഹികള്‍ അറിയിച്ചു.
ഖത്തര്‍ സമയം വൈകുന്നേരം 5 .30 നു നടക്കുന്ന പരിപാടിയില്‍ സുപ്രീംകോടതിയിലെ അഭിഭാഷകന്‍ അഡ്വ : കാളീശ്വരം രാജ് , മീഡിയ വണ്‍ എഡിറ്റര്‍ പ്രമോദ് രാമന്‍ എന്നിവര്‍ സംസാരിക്കും. ഇന്ത്യന്‍ ഭരണഘടനയുടെ വെളിച്ചത്തില്‍ അഭിപ്രായ സ്വാതന്ത്ര്യം , മാധ്യമ സ്വാതന്ത്ര്യം എന്നീ വിഷയങ്ങളിലാണ് പ്രഭാഷണം നടക്കുക .
പരിപാടിയില്‍ മീഡിയ വണ്‍ ചാനലിന് വിലക്കേര്‍പ്പെടുത്തിയതിനെ കുറിച്ച് മീഡിയ വണ്‍ എഡിറ്റര്‍ പ്രമോദ് രാമന്‍ സംസാരിക്കും . ഇന്ത്യന്‍ ഭരണഘടന മൂല്യങ്ങള്‍ പ്രവാസി സമൂഹത്തില്‍ പ്രചരിപ്പിക്കുക എന്ന ലക്ഷ്യത്തില്‍ സംഘടിപ്പിക്കുന്ന രണ്ടാമത്തെ പ്രഭാഷണ പരിപാടിയാണ് ഇന്ന് നടക്കുന്നതെന്നും ഭാരവാഹികള്‍ പറഞ്ഞു .
പരിപാടിയിലേക്ക് മുഴുവന്‍ പ്രവാസി സുഹൃത്തുക്കളെയും സ്വാഗതം ചെയ്യുന്നതായി പ്രവാസി കോര്‍ഡിനേഷന്‍ കമ്മിറ്റി ചെയര്‍മാന്‍ അഡ്വ: നിസാര്‍ കോച്ചേരി , ജനറല്‍ കണ്‍വീനര്‍ വി.സി മശ്ഹൂദ് എന്നിവര്‍ അറിയിച്ചു . സൂം പ്ലാറ്റ്‌ഫോമില്‍ നടക്കുന്ന പരിപാടിയുടെ ഐഡി : 85187117342 പാസ്സ്വേര്‍ഡ് :2022
