എനോറ ഖത്തര് ഇഫ്താര് സംഗമം സംഘടിപ്പിച്ചു
മുഹമ്മദ് റഫീഖ് തങ്കയത്തില്
ദോഹ : ഖത്തറില് എടക്കഴിയൂര് നിവാസികളുടെ കൂട്ടായ്മയായ എനോറ ഖത്തര് ഇഫ്താര് സംഗമം സംഘടിപ്പിച്ചു. ഹിലാലിലെ തൃശൂര് ജില്ലാ സൗഹൃദ വേദിയുടെ അങ്കണത്തില് നടന്ന പരിപാടിയില് കുടുംബങ്ങളടക്കം (സ്ത്രീകളും കുട്ടികളുമടക്കം) 250ല് അധികം പേര് പങ്കെടുത്തു.
സമൂഹത്തില് കഷ്ടത അനുഭവിക്കുന്നവരുടെ വേദനകള് പരിഹരിക്കാന് റമദാന് നമ്മെ പ്രാപ്തരാകേണ്ടതുണ്ട് എന്ന വിഷയത്തില് നിസാര് സഖാഫി പ്രഭാഷണം നടത്തി. ജാതിമത ചിന്തകള്ക്കതീതമായി മനുഷ്യര്ക്ക് കരുണ ചെയ്താലേ സ്രഷ്ടാവിന്റെ കരുണ നമുക്ക് ലഭിക്കുകയുള്ളൂ എന്നും അദ്ദേഹം ഉണര്ത്തി.
എനോറ ഖത്തര്ന്റെ മെമ്പര്ഷിപ് കാമ്പയിനും ഇഫ്താര് സംഗമത്തോട് അനുബന്ധിച്ചു സംഘടിപ്പിച്ചിരുന്നു. പരിപാടിയില് പ്രസിഡണ്ട് ജിംനാസ് അലി അധ്യക്ഷത വഹിച്ചു. ജനറല് സെക്രെട്ടറി ജലീല് ഹംസ വിശിഷ്ടാത്ഥികള്ക്കും അംഗങ്ങള്ക്കും സ്വാഗതമേകി.
ഇന്ത്യന് സ്പോര്ട്സ് സെന്റര് വൈസ് പ്രസിഡണ്ട് ഷെജി വലിയകത് ,ചാവക്കാട് പ്രവാസി അസോസിയേഷന് ഗ്ലോബല് ചെയര്മാന് അബ്ദുല്ല തെരുവത്ത്,തൃശൂര് ജില്ലാ സൗഹൃദ വേദി പ്രസിഡണ്ട് മുസ്തഫ ,വൈസ് പ്രസിഡന്റ് റാഫി കണ്ണോത്, സെക്രട്ടറി ശശി, ഗുരുവായൂര് സെക്ടര് ചെയര്മാന് നിഷാം ഇസ്മായില് എന്നിവര് പങ്കെടുത്തു.
എനോറ സീനിയര് മെമ്പര്മാരായ ഹംസ പന്തായില് ,ഉസ്മാന്, സൈനുദ്ധീന്, ഖമറുദ്ധീന് സിയാല്, സിദ്ധിഖ്, മൊയ്ദുട്ടി കല്ലയില് അക്ബര് അറക്കല് അനൂപ് കല്ലയില് എന്നിവര് ഇഫ്താര് മീറ്റിനു നേതൃത്വം നല്കി.
