പ്രഥമ ഈദ് ഫെസ്റ്റിവല് ഗംഭീരമാക്കാനൊരുങ്ങി ഖത്തര് ടൂറിസം
അമാനുല്ല വടക്കാങ്ങര
ദോഹ. മെയ് 3 മുതല് 5 വരെ ദോഹ കോര്ണിഷില് നടക്കുന്ന പ്രഥമ ഈദ് ഫെസ്റ്റിവല് ഗംഭീരമാക്കാനൊരുങ്ങി ഖത്തര് ടൂറിസം. സ്വദേശികളും വിദേശികളുമുള്പ്പടെ വിവിധ ധേശക്കാരും ഭാഷക്കാരുമായ പൊതുജനങ്ങളെ പരിഗണിച്ച് എല്ലാ ദിവസവും വൈകുന്നേരം 4 മണി മുതല് 11 മണി വരെ വൈവിധ്യമാര്ന്ന പരിപാടികളോടെയാണ് ഈദ് ഫെസ്റ്റിവല് ആസൂത്രണം ചെയ്തിരിക്കുന്നത്.
മാര്ച്ചിംഗ് ബാന്ഡുള്ള മേഖലയിലെ ആദ്യത്തെ ഭീമാകാരമായ ബലൂണ് പരേഡിന് പുറമേ കുട്ടികള്ക്കും മുതിര്ന്നവര്ക്കും ആവേശകരമായ പരിപാടികളാണ് അണിയിച്ചൊരുക്കുന്നത്. സ്റ്റേജ് പ്രകടനങ്ങള്, റോമിംഗ് ആര്ട്ടിസ്റ്റുകള് മുതല് കാര്ണിവല് ഗെയിമുകള്, ഫുഡ് ട്രക്കുകള്, കിയോസ്കുകള് തുടങ്ങിയ ആഘോഷത്തിന് മാറ്റ് കൂട്ടും. എല്ലാ ദിവസവും രാത്രി 9 മണിക്ക് ഫയര്വര്ക്കുകള്
ദോഹയുടെ ആകാശത്തില് വര്ണവിസ്മയം തീര്ക്കും.
എല്ലാ ദിവസവും വൈകുന്നേരം 7.30 ന് പ്രാദേശിക, പ്രാദേശിക കലാകാരന്മാര് അവതരിപ്പിക്കുന്ന തത്സമയ സംഗീത പരിപാടികള് ഉണ്ടായിരിക്കും. കോര്ണിഷില് വാഹനഗതാഗതം നിയന്ത്രിക്കും. എന്നാല്
കോര്ണിഷിലേക്കുള്ള വ്യക്തികളുടെ സഞ്ചാരം സുഗമമാക്കുന്നതിന്, ബദല് ഗതാഗത മാര്ഗങ്ങള് ലഭ്യമാക്കും. കോര്ണിഷിലെ ബി-റിങ് റോഡ്, സി-റിങ് റോഡ് ബസ് സര്വീസുകള്ക്ക് പുറമെ അല് ബിദ്ദ, ദോഹ കോര്ണിഷ്, വെസ്റ്റ് ബേ എന്നിങ്ങനെ കോര്ണിഷിലേക്ക് നേരിട്ട് നയിക്കുന്ന മെട്രോ സ്റ്റേഷനുകളും പ്രയോജനപ്പെടുത്താം.
