Uncategorized
തായ് ലന്‍ഡില്‍ നിന്നുള്ള ഫ്രഷ് ഇനോകി മഷ്റൂം കഴിക്കുന്നതിനെതിരെ ഖത്തര്‍ പൊതുജനാരോഗ്യ മന്ത്രാലയം മുന്നറിയിപ്പ്
ദോഹ: തായ് ലന്‍ഡില്‍ നിന്നുള്ള പുതിയ എനോക്കി കൂണ്‍ കഴിക്കുന്നതിനെതിരെ ഖത്തര്‍ പൊതുജനാരോഗ്യ മന്ത്രാലയം മുന്നറിയിപ്പ് നല്‍കി. മന്ത്രാലയത്തിന്റെ സെന്‍ട്രല്‍ ഫുഡ് ലബോറട്ടറികളിലെ വിശകലനത്തിന്റെ ഫലങ്ങള്‍ അനുസരിച്ച്, ചില ഇറക്കുമതി ചെയ്ത പായ്ക്കുകളില്‍ രോഗകാരിയായ ലിസ്റ്റീരിയ മോണോസൈറ്റോജെന്‍സ് എന്ന ബാക്ടീരിയ കണ്ടെത്തിയതിനെ തുടര്‍ന്നാണിത്.
ഈ ഉല്‍പ്പന്നം ബാക്ടീരിയകളാല്‍ മലിനമാണെന്ന് തെളിഞ്ഞതോടെ, പൊതുജനാരോഗ്യ മന്ത്രാലയം, മുനിസിപ്പാലിറ്റി മന്ത്രാലയവുമായി ഏകോപിപ്പിച്ച് ഇറക്കുമതി ചെയ്ത മുഴുവന്‍ ഇനോകി മഷ്റൂമും മാര്‍ക്കറ്റില്‍ നിന്നും പിന്‍വലിച്ചതായി മന്ത്രാലയം അറിയിച്ചു.
