54 പ്രൊഫഷനുകളുള്ള ജിസിസി നിവാസികള്‍ക്ക് ഖത്തറില്‍ ഓണ്‍-അറൈവല്‍ വിസ
അമാനുല്ല വടക്കാങ്ങര
ദോഹ. ഖത്തര്‍ ആഭ്യന്തര മന്ത്രാലയത്തിന്റെ വെബ്സൈറ്റില്‍ പ്രസിദ്ധീകരിച്ച അംഗീകൃത തൊഴിലുകളുടെ പട്ടിക പ്രകാരം 54 പ്രൊഫഷനുകളിലെ ജിസിസി നിവാസികള്‍ക്കാണ് ഖത്തറിലെ ഓണ്‍-അറൈവല്‍ വിസയ്ക്ക് അര്‍ഹതയുള്ളതെന്ന് ആഭ്യന്തര മന്ത്രാലയത്തെ ഉദ്ധരിച്ച് ഖത്തര്‍ ട്രിബ്യൂണ്‍ റിപ്പോര്‍ട്ട് ചെയ്തു
അംഗീകൃത 54 തൊഴിലുകളുടെ പട്ടികയില്‍ എഴുത്തുകാരന്‍, രസതന്ത്രജ്ഞന്‍, യൂണിവേഴ്‌സിറ്റി പ്രൊഫസര്‍, അഭിഭാഷകന്‍, മാധ്യമ പ്രവര്‍ത്തകന്‍, ഡയറക്ടര്‍, ജിസിസി രാജ്യങ്ങളിലെ എംബസി സ്റ്റാഫ് (സേവന ജോലികള്‍ ഒഴികെ), വ്യോമയാന പരിശീലകന്‍, പുരാവസ്തു ഗവേഷകന്‍, ബ്രോഡ്കാസ്റ്റിംഗ് ഡയറക്ടര്‍, മീഡിയ ഡയറക്ടര്‍, ജിയോളജിസ്റ്റ് (ജനറല്‍), റീജിയണല്‍ ഡയറക്ടര്‍, റഫറി (സ്‌പോര്‍ട്‌സ്), ബാങ്ക് മാനേജര്‍, സാമ്പത്തിക വിദഗ്ധന്‍, ടെലിവിഷന്‍ ഡയറക്ടര്‍, നിയമ വിദഗ്ധന്‍, സിനിമാ ഡയറക്ടര്‍, ഇന്‍ഫര്‍മേഷന്‍ സിസ്റ്റം വിദഗ്ധന്‍, ഹോട്ടല്‍ മാനേജര്‍, ഡിപ്ലോമാറ്റിക് മിഷന്‍ അംഗങ്ങള്‍, മ്യൂസിയം ഡയറക്ടര്‍, സിഇഒ/എക്‌സിക്യൂട്ടീവ് ഡയറക്ടര്‍, സ്‌കൂള്‍ മാനേജര്‍, യൂണിവേഴ്‌സിറ്റി റെക്ടര്‍/ചാന്‍സലര്‍, തിയേറ്റര്‍ ഡയറക്ടര്‍, ചീഫ് ജസ്റ്റിസ്, ആശുപത്രി മാനേജര്‍, ചീഫ് പ്രോസിക്യൂട്ടര്‍, ഉപദേശകന്‍ (എല്ലാ തരത്തിലും), ക്ലബ് ഡയറക്ടര്‍/ ചെയര്‍മാന്‍, എഞ്ചിനീയര്‍, ഒരു കപ്പല്‍/കപ്പല്‍/ഫെറി/ടാങ്കര്‍ ക്യാപ്റ്റന്‍, പ്രോസിക്യൂട്ടര്‍, ഫിസിഷ്യന്‍, മന്ത്രാലയം അണ്ടര്‍സെക്രട്ടറി , സര്‍ജന്‍, കോ-പൈലറ്റ്, വെറ്ററിനറി ഡോക്ടര്‍, കണ്‍സള്‍ട്ടന്റ് (എല്ലാ സ്‌പെഷ്യലൈസേഷനുകളും), പൈലറ്റ്, ഓഡിറ്റര്‍ (ഫിനാന്‍ഷ്യല്‍ – അക്കൗണ്ടുകള്‍), ശാസ്ത്രജ്ഞന്‍, അനലിസ്റ്റ് (ഫിനാന്‍ഷ്യല്‍), കോളേജ് ഡീന്‍, എയര്‍ സേഫ്റ്റി കണ്‍ട്രോളര്‍, ജ്യോതിശാസ്ത്രജ്ഞന്‍, പ്രോഗ്രാമര്‍, ഭൗതികശാസ്ത്രജ്ഞന്‍, അക്കൗണ്ടന്റ്, ജഡ്ജി, കൂടാതെ മറൈന്‍ ഫയര്‍ ഇന്‍സ്‌പെക്ടര്‍ മുതലായവരാണ് ഉള്‍പ്പെടുന്നത്.
എന്നാല്‍ ഇന്ത്യ, പാക്കിസ്ഥാന്‍, ഇറാന്‍ ,തായ്‌ലന്റ്, ഉക്രൈന്‍ എന്നീ രാജ്യക്കാര്‍ക്ക് ഓണ്‍ അറൈവല്‍ വിസ ലഭിക്കണമെങ്കില്‍ ഡിസ്‌കവര്‍ ഖത്തര്‍ വഴി ഹോട്ടല്‍ ബുക്ക് ചെയ്യണം.
