Uncategorized
പിഎച്ച്‌സിസിയില്‍ 1,710,112-ല്‍ അധികം രജിസ്റ്റര്‍ ചെയ്ത വ്യക്തികള്‍
ദോഹ. ഖത്തറിലെ പ്രൈമറി ഹെല്‍ത്ത് കെയര്‍ കോര്‍പ്പറേഷന്‍ 1,710,112-ല്‍ അധികം രജിസ്റ്റര്‍ ചെയ്ത വ്യക്തികളുണ്ടെന്ന് കോര്‍പറേഷന്‍ വ്യക്തമാക്കി. രാജ്യത്തിന്റെ വിവിധ ഭാഗങ്ങളിലായി സ്ഥിതി ചെയ്യുന്ന 31 ആരോഗ്യ കേന്ദ്രങ്ങളിലായി 5,000-ലധികം ഡോക്ടര്‍മാര്‍ സേവനം ചെയ്യുന്നു. ഏകദേശം 89 സേവനങ്ങള്‍ പിഎച്ച്‌സിസി നല്‍കുന്നു.
2022-ല്‍ പ്രതിദിനം ഏകദേശം 10,000-ലധികം രോഗികളുടെ സന്ദര്‍ശനം പ്രൈമറി ഹെല്‍ത്ത് കെയര്‍ കോര്‍പ്പറേഷന്‍ റിക്കോര്‍ഡ് ചെയ്തു. 2022-ല്‍ ഏറ്റവും കൂടുതല്‍ ആവശ്യപ്പെട്ടത് ഫാമിലി മെഡിസിന് ആയിരുന്നു, രാജ്യത്തുടനീളമുള്ള ആരോഗ്യ കേന്ദ്രങ്ങളിലെ ക്ലിനിക്കുകളില്‍ 2,705,400 ആളുകള്‍ സന്ദര്‍ശിച്ചു. കൂടാതെ, 2022-ല്‍ 268,502 പേര്‍ ഡെന്റല്‍ ക്ലിനിക്കുകള്‍ സന്ദര്‍ശിക്കുകയും 142,415 പേര്‍ അടിയന്തിര പരിചരണ സേവനങ്ങള്‍ തേടുകയും ചെയ്തു.
