Uncategorized
ഖത്തര്‍ അമീര്‍ ലുസൈല്‍ ഇന്റര്‍നാഷണല്‍ സര്‍ക്യൂട്ട് സന്ദര്‍ശിച്ചു
ദോഹ: ഫോര്‍മുല 1 , ഖത്തര്‍ ഗ്രാന്‍ഡ്പ്രി തുടങ്ങിയ സുപ്രധാനമായ മല്‍സരങ്ങള്‍ക്ക് വേദിയാകുന്ന ലുസൈല്‍ ഇന്റര്‍നാഷണല്‍ സര്‍ക്യൂട്ട് ഖത്തര്‍ അമീര്‍ ഷെയ്ഖ് തമീം ബിന്‍ ഹമദ് അല്‍ താനി സന്ദര്‍ശിച്ചു. ഏറ്റവും പ്രധാനപ്പെട്ട പ്രാദേശിക, അന്തര്‍ദേശീയ മത്സരങ്ങള്‍, പ്രത്യേകിച്ച് വരാനിരിക്കുന്ന ഫോര്‍മുല 1 ന് ആതിഥേയത്വം വഹിക്കുന്നതിനായി സര്‍ക്യൂട്ടിന്റെ നവീകരണ പ്രവര്‍ത്തനങ്ങളെക്കുറിച്ച് അമീര്‍ വിലയിരുത്തി. സര്‍ക്യൂട്ട് പര്യടനം നടത്തിയ അമീര്‍ പുതിയ കെട്ടിടങ്ങള്‍, സൗകര്യങ്ങള്‍, വിവിധ ലോജിസ്റ്റിക്കല്‍ സേവനങ്ങള്‍, ഉപകരണങ്ങള്‍ എന്നിവയെക്കുറിച്ചും ചോദിച്ചറിഞ്ഞു.
പര്യടന വേളയില്‍ ഉന്നതരായ മന്ത്രിമാരും മുതിര്‍ന്ന ഉദ്യോഗസ്ഥരും അമീറിനൊപ്പമുണ്ടായിരുന്നു.
