Uncategorized
പുതിയ അധ്യയന വര്‍ഷം : ആദ്യ ദിനം സര്‍ക്കാര്‍ സ്‌കൂളുകളില്‍ 85% ഹാജര്‍
ദോഹ. ഖത്തറില്‍ ഇന്നലെ സര്‍ക്കാര്‍ സ്‌കൂളുകളില്‍ പുതിയ അധ്യയന വര്‍ഷം ആരംഭിച്ചു. ആദ്യ ദിനം 85% വിദ്യാര്‍ത്ഥികളാണ് സ്‌കൂളുകളില്‍ ഹാജറായത്. നീണ്ട മധ്യ വേനലവധി കഴിഞ്ഞ് ഏറെ ആവേശത്തോടെയാണ് കുട്ടികള്‍ സ്‌കൂളുകളിലെത്തിയത്. ഇന്നലെ സ്‌കൂളില്‍ ഹാജരാകാത്ത വിദ്യാര്‍ത്ഥികളുടെ രക്ഷിതാക്കള്‍ക്ക് അവരുടെ ഹാജരാകാത്തതിന് പിന്നിലെ കാരണം അന്വേഷിക്കാന്‍ എസ്എംഎസ് അയച്ചതായി സ്‌കൂള്‍ അധികൃതര്‍ വ്യക്തമാക്കി.
