Uncategorized
ഫാല്‍ ട്രാവല്‍ മാര്‍ട്ടിന് വിശിഷ്ട സേവന മികവിനുള്ള ഖത്തര്‍ ടൂറിസം അവാര്‍ഡ്
അമാനുല്ല വടക്കാങ്ങര
ദോഹ. ഖത്തറിലെ പ്രമുഖ ഇന്ത്യന്‍ ട്രാവല്‍ ആന്റ് ടൂറിസം കമ്പനിയായ ഫാല്‍ ട്രാവല്‍ മാര്‍ട്ടിന് ഖത്തര്‍ ടൂറിസത്തിന്റെ വിശിഷ്ട സേവന മികവിനുള്ള അവാര്‍ഡ് . 2023-ല്‍ യുണൈറ്റഡ് നേഷന്‍സ് വേള്‍ഡ് ടൂറിസം ഓര്‍ഗനൈസേഷന്റെ പങ്കാളിത്തത്തോടെ ഖത്തര്‍ ടൂറിസം സംഘടിപ്പിച്ച പ്രഥമ അവാര്‍ഡ് ചടങ്ങിലാണ് ഫാല്‍ ട്രാവല്‍ മാര്‍ട്ട് അഭിമാനകരമായ നേട്ടം സ്വന്തമാക്കിയത്. ഖത്തറിലെ മലയാളി പ്രമുഖനും ഇന്ത്യന്‍ കള്‍ചറല്‍ സെന്റര്‍ പ്രസിഡണ്ടുമായ മണികണ്ഠന്‍ എ പി ജനറല്‍ മാനേജറായ കമ്പനിയാണ് ഫാല്‍ ട്രാവല്‍ മാര്‍ട്ട് എന്നത് ഖത്തറിലെ ഇന്ത്യന്‍ സമൂഹത്തിന് പൊതുവിലും മലയാളി സമൂഹത്തിന് വിശേഷിച്ചും അഭിമാനകരമാണ് .
