Uncategorized
ഖത്തറില്‍ നിയമവിരുദ്ധമായി കടല്‍ക്കാക്കകളെ പിടികൂടിയവരെ അറസ്റ്റ് ചെയ്തു
ദോഹ: വില്‍പന ലക്ഷ്യമിട്ട് മത്സ്യബന്ധന ബോട്ടിനുള്ളില്‍ കടല്‍ക്കാക്കകളെ പിടികൂടി ഒളിപ്പിച്ച സംഭവത്തില്‍ നിരവധി പേര്‍ അറസ്റ്റില്‍.
പരിസ്ഥിതി, കാലാവസ്ഥാ വ്യതിയാന മന്ത്രാലയം രക്ഷപ്പെടുത്തിയ കടല്‍ക്കാക്കകളുടെ ഫോട്ടോകള്‍ സോഷ്യല്‍ മീഡിയയില്‍ പങ്കിട്ടു. ഈ വ്യക്തികള്‍ സ്വീകരിച്ച നടപടി മത്സ്യബന്ധന നിയന്ത്രണ നിയമത്തിന്റെ വ്യക്തമായ ലംഘനമാണെന്നും കൂട്ടിച്ചേര്‍ത്തു.
മറൈന്‍ പ്രൊട്ടക്ഷന്‍ ഡിപ്പാര്‍ട്ട്മെന്റ് റുവൈസ് തുറമുഖത്ത് ബോട്ട് തടഞ്ഞുനിര്‍ത്തുകയും നിയമലംഘകരെ നിയമനടപടികള്‍ക്കായി അധികാരികള്‍ക്ക് കൈമാറുകയും ചെയ്തതായി മന്ത്രാലയം അറിയിച്ചു.
