Uncategorized
ലുസൈല്‍ ബൊളിവാര്‍ഡ് സജീവമാക്കി ഹലോ ഏഷ്യ
ദോഹ: ഖത്തറില്‍ നടക്കുന്ന പതിനെട്ടാമത് എ എഫ് സി ഏഷ്യന്‍ കപ്പില്‍ പങ്കെടുക്കുന്ന 24 രാജ്യങ്ങളുടെ സമ്പന്നമായ സാംസ്‌കാരിക വിസ്മയം സന്ദര്‍ശകര്‍ക്ക് സമ്മാനിച്ചുകൊണ്ട് ഏഷ്യയുടെ ചടുലമായ നിറങ്ങളും ശബ്ദങ്ങളും രുചികളും കൊണ്ട് ‘ ലുസൈല്‍ ബൊളിവാര്‍ഡിലെ ഹലോ ഏഷ്യ ആഘോഷങ്ങളുടെ കേന്ദ്ര വേദിയാകുമ്പോള്‍ ലുസൈല്‍ ബൊളിവാര്‍ഡ് കൂടുതല്‍ സജീവമാകുന്നു.
രാജ്യങ്ങളുടെ ദൈനംദിന പരേഡുകള്‍ മുതല്‍ നാടോടി നൃത്തത്തിന്റെയും സംഗീതത്തിന്റെയും ആകര്‍ഷകമായ പ്രകടനങ്ങള്‍ , പാചകരീതികള്‍, ഉപകരണങ്ങള്‍ , ഐക്കണിക് സ്ഥലങ്ങള്‍ തുടങ്ങി ഓരോ രാജ്യത്തിന്റെയും മികച്ചവ പ്രദര്‍ശിപ്പിക്കുമ്പോള്‍ ഏഷ്യയിലെ വൈവിധ്യമാര്‍ന്ന സംസ്‌കാരങ്ങളെയും പാരമ്പര്യങ്ങളെയും കുറിച്ച് കൂടുതല്‍ അറിയാനുള്ള ഒരു കവാടമായി ‘ഹലോ ഏഷ്യ’ മാറിയിരിക്കുന്നു.
