Uncategorized
പ്രേക്ഷകര്‍ക്ക് ആവേശമായി ഖത്തറിലെ പ്രഥമ സ്റ്റോറി ടെല്ലിങ് പ്രോഗ്രാം
അമാനുല്ല വടക്കാങ്ങര
ദോഹ. പ്രേക്ഷകര്‍ക്ക് ആവേശമായി ഖത്തറിലെ പ്രഥമ സ്റ്റോറി ടെല്ലിങ് പ്രോഗ്രാം . സ്റ്റോറി ടെല്ലേര്‍സ് ക്ലബും പ്രൊഫഷണല്‍ ബിസിനസ് ഗ്രൂപ്പും സഹകരിച്ചാണ് ഖത്തറിലെ ആദ്യത്തെ സ്റ്റോറി ടെല്ലേര്‍സ് പ്രോഗ്രാം സംഘടിപ്പിച്ചത്. അല്‍ സഹീം ഇവന്റ് സെന്ററില്‍ നടന്ന പ്രോഗ്രാമില്‍ രണ്ട് മണിക്കൂര്‍ കൊണ്ട് എഴുപത് കഥകളിലൂടെയുള്ള സഞ്ചാരം സദസ്സിന് ഒരു പുതിയ അനുഭവമായി. കുറഞ്ഞ കാലം കൊണ്ട് മികച്ച കഥ പറച്ചില്‍കാരനായി ശ്രദ്ധേയനായ നിസാര്‍ പട്ടുവമാണ് പ്രഥമ സ്റ്റോറി ടെല്ലിങ് പ്രോഗ്രാമിന് നേതൃത്വം നല്‍കിയത്. കഥ കളുടെ കഥ കൊണ്ട് തുടങ്ങിയ പ്രോഗ്രാം കുഞ്ഞു കാര്യങ്ങളില്‍ സന്തോഷം കണ്ടെത്തിയ ജീവിതങ്ങളുടെ കഥകളിലൂടെയാണ് അവസാനിച്ചത്. സാദിഖ് വാണിമേല്‍ സ്വാഗതവും കെ കെ സുബൈര്‍ നന്ദി യും പറഞ്ഞു
