മുക്കം എം .എ.എം .ഒ കോളേജ് അലുംനി ഖത്തര്‍ ചാപ്റ്റര്‍ ബാഡ്മിന്റണ്‍ ടൂര്‍ണമെന്റ് സംഘടിപ്പിച്ചു
ദോഹ. മുക്കം എം .എ.എം .ഒ കോളേജ് അലുംനി ഖത്തര്‍ ചാപ്റ്റര്‍ ഖത്തര്‍ നാഷണല്‍ സ്‌പോര്‍ട്‌സ് ഡേയുടെ ഭാഗമായി നടത്തുന്ന സ്‌പോര്‍ട്‌സ് വീക്ക് പരിപാടിയുടെ ആരംഭം കുറിച്ച് ബാഡ്മിന്റണ്‍ ടൂര്‍ണമെന്റ് സംഘടിപ്പിച്ചു .
ബര്‍വ വില്ലേജ് ശാന്തിനികേതന്‍ സ്‌കൂളില്‍ വെച്ച് സംഘടിപ്പിച്ച ടൂര്‍ണമെന്റില്‍ പുരുഷ ഡബിള്‍സില്‍ അഫ്‌സല്‍ കൊടുവള്ളി ജാബിര്‍ കൊടുവള്ളി സഖ്യവും വനിതാ ഡബിള്‍സില്‍ ശഹ്ല ഫായിസ സഖ്യവും കിഡ്‌സ് വിഭാഗത്തില്‍ അയാന്‍ ആമിര്‍ സഖ്യവും ചാമ്പ്യന്മാരായി .
മാമ്മോക് അലുംനി ഖത്തര്‍ വൈസ് പ്രസിഡണ്ടും സാമൂഹിക പ്രവര്‍ത്തകനുമായ നാസിഫ് മൊയ്തു ഉദ്ഘാടനം നിര്‍വഹിച്ചു .
സ്‌പോര്‍ട്‌സ് കണ്‍വീനര്‍ ലബീബ് പാഴുരിന്റെ നേതൃത്വത്തില്‍ ഷമീര്‍ എന്‍ കെ , നിഷാദ് കെ , ഫാരിസ് സി ടി , ശംസുദ്ധീന്‍ കൊടുവള്ളി , അഫ്‌സല്‍ മാവൂര്‍ , മെഹ്ഫില്‍ , മുസ്തഫ കമാല്‍ തുടങ്ങിയവര്‍ മത്സരങ്ങള്‍ നിയന്ത്രിച്ചു .
പ്രസിഡന്റ് ഇല്യാസ് കെന്‍സ, ജനറല്‍ സെക്രട്ടറി ഇര്‍ഷാദ് ചേന്നമംഗലൂര്‍ , അബ്ബാസ് മുക്കം തുടങ്ങിയവര്‍ ട്രോഫികള്‍ വിതരണം ചെയ്തു . ഇവന്റ് സ്‌പോണ്‍സര്‍ ആയ ലാല്‍കില റെസ്റ്റോറന്റ് വക്ര , മെഡിക്കല്‍ സപ്പോര്‍ട്ട് ചെയ്ത നസീം അല്‍ റബീഹ് ഹോസ്പിറ്റലിനും ഉള്ള പ്രത്യേക ഉപഹാരങ്ങള്‍ ചടങ്ങില്‍ വിതരണം ചെയ്തു .
