Local News
ഐസിസി ഫെസ്റ്റിവല് ബസാര് 2025 സമാപിച്ചു
ദോഹ. ഒക്ടോബര് 15 , 16 തിയ്യതികളിലായി ഐസിസി അശോക ഹാളില് നടന്ന ഗ്രാന്ഡ് ഫെസ്റ്റിവല് ബസാര് 2025 സമാപിച്ചു. 2025 ഒക്ടോബര് 15 ന് ഇന്ത്യന് എംബസി കൗണ്സിലര് (ചാന്സറി ആന്ഡ് കോണ്സുലര് മേധാവി) ഡോ. വൈഭവ് എ. ടണ്ടേല്, ഡോ. മനീഷ ടണ്ടേല് എന്നിവര് പരിപാടി ഉദ്ഘാടനം ചെയ്തു.
കരകൗശല വസ്തുക്കള്, തുകല് ഉല്പ്പന്നങ്ങള്, അനുകരണ ആഭരണങ്ങള്, ഇന്ത്യന് പരമ്പരാഗത വസ്ത്രങ്ങള്, രുചികരമായ ഇന്ത്യന് ഭക്ഷണം എന്നിവ പ്രദര്ശിപ്പിക്കുന്ന 60 ലധികം സ്റ്റാളുകളാണ് ഫെസ്റ്റിവല് ബസാറില് ഉണ്ടായിരുന്നത്. ഉത്സവ അന്തരീക്ഷത്തിന് ആക്കം കൂട്ടിക്കൊണ്ട്, ലൈവ് മൈലാഞ്ചി (മെഹന്തി) സ്റ്റേഷനുകളും പരിപാടിയില് ഉള്പ്പെടുത്തിയിരുന്നു.
