Uncategorized
കോവിഡ് പ്രോട്ടോക്കോള് ലംഘനം, ഖത്തറില് 203 പേര് പിടിയില്
ഡോ. അമാനുല്ല വടക്കാങ്ങര
ദോഹ. ഖത്തറില് കോവിഡ് പ്രോട്ടോക്കോള് പാലിക്കുന്നു എന്നുറപ്പുവരുത്തുന്നതിനുള്ള പരിശോധനകള് ഊര്ജിതമാക്കി ആഭ്യന്തര മന്ത്രാലയം.
ഇന്നലെ കോവിഡ് പ്രോട്ടോക്കോള് ലംഘനത്തിന് 203 പേരാണ് പിടിയിലായത്.
ഫേസ് മാസ്ക് ധരിക്കാത്തതിന് 199 പേരേയും ക്വാറന്റൈന് വ്യവസ്ഥകള് ലംഘിച്ചതിനും മൊബൈലില് ഇഹ് തിറാസ് ആപ്പ് ഡൗണ്ലോഡ് ചെയ്യാത്തതിനും രണ്ട് പേരെ വീതവുമാണ് പോലീസ് പിടികൂടിയത്.
രാജ്യത്തിന്റേയും ജനങ്ങളുടേയും സുരക്ഷ കണക്കിലെടുത്ത് എല്ലാവരും പ്രോട്ടോക്കോളുകള് കണിശമായി പാലിക്കണമെന്ന് അധികൃതര് ആവശ്യപ്പെട്ടു.
പിടികൂടിയവരെയെല്ലാം തുടര്നടപടികള്ക്കായി പബ്ളിക് പ്രോസിക്യൂഷന് കൈമാറിയിരിക്കുകയാണ്
