ഖത്തറില്‍ നാളെ മുതല്‍ പെട്രോള്‍ വില കുറയും

അമാനുല്ല വടക്കാങ്ങര

ദോഹ. ഖത്തറില്‍ നാളെ മുതല്‍ പെട്രോള്‍ വില കുറയും. ഖത്തര്‍ എനര്‍ജി മാര്‍ച്ച് മാസത്തെ പെട്രോള്‍ ഡീസല്‍ വിലകള്‍ ഇന്ന് പ്രഖ്യാപിച്ചു. ഇതനുസരിച്ച് പ്രീമിയം പെട്രോള്‍ ലിറ്ററിന് 2 റിയാലായി കുറയും. നിലവില്‍ ഇത് 2.05 റിയാലാണ്. സൂപ്പര്‍ പെട്രോള്‍ വിലയില്‍ മാറ്റമില്ല ഫെബ്രുവരിയിലെ അതേ വിലയായ ലിറ്ററിന് 2.10 റിയാല്‍ എന്നത് തുടരും. ഡീസല്‍ വിലയിലും മാറ്റമില്ല. ഡീസല്‍ ലിറ്ററിന് 2.05 ആയിരിക്കും.