2025 ലെ ഐടിടിഎഫ് വേള്ഡ് ടേബിള് ടെന്നീസ് ചാമ്പ്യന്ഷിപ്പിന്റെ 59-ാമത് പതിപ്പിന് ആതിഥേയത്വം വഹിക്കാന് ദോഹ തയ്യാര്
അമാനുല്ല വടക്കാങ്ങര
ദോഹ. 2025 ലെ ഐടിടിഎഫ് വേള്ഡ് ടേബിള് ടെന്നീസ് ചാമ്പ്യന്ഷിപ്പിന്റെ 59-ാമത് പതിപ്പിന് ആതിഥേയത്വം വഹിക്കാന് ദോഹ തയ്യാറാണെന്ന് അറബ്, ഏഷ്യന് ഫെഡറേഷനുകളുടെ പ്രസിഡന്റും ഇന്റര്നാഷണല് ടേബിള് ടെന്നീസ് ഫെഡറേഷന്റെ ഡെപ്യൂട്ടി പ്രസിഡന്റുമായ ഖത്തര് ടേബിള് ടെന്നീസ് അസോസിയേഷന് (ക്യുടിടിഎ) പ്രസിഡന്റ് ഖലീല് അല് മുഹന്നാദി അഭിപ്രായപ്പെട്ടു.
2004ല് ഐടിടിഎഫ് വേള്ഡ് ടേബിള് ടെന്നീസ് ചാമ്പ്യന്ഷിപ്പിന് ഖത്തര് ആതിഥേയത്വം വഹിച്ചിരുന്നു, അതിനുശേഷം ചാമ്പ്യന്ഷിപ്പ് മിഡില് ഈസ്റ്റിലോ അറബ് രാജ്യങ്ങളിലോ ആതിഥേയത്വം വഹിച്ചിട്ടില്ല. അതിനുശേഷം ഹാളുകളുടെ അഭാവം മൂലം ടൂര്ണമെന്റ് നടത്തുവാന് നിരവധി ബുദ്ധിമുട്ടുകള് ഉണ്ടായിട്ടുണ്ട്, എന്നാല് ഇപ്പോള് ലുസൈല് മള്ട്ടിപര്പ്പസ് ഹാള് സജ്ജമായതോടെ ആഡംബരവും അത്യാധുനികവുമായ സ്പോര്ട്സ് ഹാളില് ടൂര്ണമെന്റ് നടത്താം. ആസ്പയര് ഹാളും മികച്ച ഹോട്ടലുകളും ടൂര്ണമെന്റിന് സഹായകമാണെന്ന് ഖത്തര് ന്യൂസ് ഏജന്സിക്ക് നല്കിയ അഭിമുഖത്തില് അല് മുഹന്നദി പറഞ്ഞു,
ഉയര്ന്ന കഴിവും അഭിരുചിയുമുള്ള ഖത്തറി യുവാക്കളുടെ ടീം വര്ക്ക് ക്യുടിടിഎയിലുണ്ടെന്നും ഇവന്റ് ഹോസ്റ്റുചെയ്യുന്നത് അസോസിയേഷന് ബുദ്ധിമുട്ടുണ്ടാക്കില്ലെന്നും ലോക ചാമ്പ്യന്ഷിപ്പ് മറ്റ് ചാമ്പ്യന്ഷിപ്പുകളില് നിന്ന് വ്യത്യസ്തമാണെന്നും അദ്ദേഹം കൂട്ടിച്ചേര്ത്തു. ഖത്തര് ഇത്തരമൊരു പരിപാടിക്ക് ആതിഥേയത്വം വഹിക്കാന് തയ്യാറാണ്.
2025 മെയ് മാസത്തില് ഇവന്റ് ആതിഥേയത്വം വഹിക്കുന്നതിനുള്ള തീയതി നിശ്ചയിക്കാന് പരിശോധനാ സംഘത്തെ കാത്തിരിക്കില്ല. ആ സമയത്തെ ഉയര്ന്ന താപനില കാരണം, ജനുവരിയിലോ ഫെബ്രുവരിയിലോ ചാമ്പ്യന്ഷിപ്പ് നടത്താമെന്ന് അദ്ദേഹം നിര്ദ്ദേശിച്ചു.
