ഇഫ്താറിന് തൊട്ടുമുമ്പുള്ള അമിതവേഗത ഏറെ അപകടകരം
ഡോ. അമാനുല്ല വടക്കാങ്ങര
ദോഹ : ഇഫ്താറിന് തൊട്ടുമുമ്പുള്ള അമിതവേഗത ഏറെ അപകടകരമാണെന്നും തങ്ങളുടേയും മറ്റുള്ളവരുടെയും സുരക്ഷ ഉറപ്പുവരുത്തുന്നതിന് റോഡ് ഉപയോക്താക്കള് വേഗപരിധി പാലിക്കേണ്ടതുണ്ടെന്നും ട്രാഫിക് ഡയറക്ടറേറ്റ് ആവശ്യപ്പെട്ടു.
ഡ്രിഫ്റ്റിംഗ്, അശ്രദ്ധമായ ഡ്രൈവിംഗ്, ഇഫ്താറിന് മുമ്പുള്ള വേഗത എന്നിവ റമദാനിലെ സാധാരണ ട്രാഫിക് തകരാറുകളില്പ്പെടുന്നവയാണ്. കഴിഞ്ഞ കുറച്ച് ദിവസങ്ങളായി ട്രാഫിക് പട്രോളിംഗ് നിരവധി ട്രാഫിക് നിയമലംഘകരെ പിടികൂടി നിയമനടപടി സ്വീകരിക്കാന് ബന്ധപ്പെട്ട വകുപ്പുകളിലേക്ക് റഫര് ചെയ്തതായി ജനറല് ഡയറക്ടറേറ്റ് ഓഫ് ട്രാഫികിലെ മീഡിയ ആന്റ് ട്രാഫിക് ബോധവല്ക്കരണ വകുപ്പ് അസിസ്റ്റന്റ് ഡയറക്ടര് കേണല് ജാബര് മുഹമ്മദ് റാഷിദ് ഉദൈബയെ ഉദ്ധരിച്ച് പെനിന്സുല പത്രം റിപ്പോര്ട്ട് ചെയ്തു.
റമദാനില് സാധാരണയായി ഉണ്ടാകുന്ന ചില തെറ്റായ ട്രാഫിക് സ്വഭാവങ്ങള് നിരീക്ഷിക്കാനും നിയന്ത്രിക്കാനും വകുപ്പ് പ്രവര്ത്തിക്കുന്നുണ്ടെന്ന് അദ്ദേഹം പറഞ്ഞു.
പൊതു സുരക്ഷയ്ക്ക് ഭീഷണിയാകുന്ന ഇത്തരം നിയമലംഘനങ്ങള് വകുപ്പ് അംഗീകരിക്കില്ലെന്നും അത്തരം പെരുമാറ്റങ്ങള് ശ്രദ്ധയില്പെട്ടാല് ഉടന് റിപ്പോര്ട്ട് ചെയ്യണമെന്നും അദ്ദേഹം പൊതുജനങ്ങളോട് ആവശ്യപ്പെട്ടു.
തങ്ങളുടെ ലക്ഷ്യസ്ഥാനങ്ങളില് എത്താന് അമിത വേഗതയ്ക്ക് പകരം ഇഫ്താര്, സുഹൂര് സമയങ്ങളില് വാഹനങ്ങള് നിശ്ചിത സ്ഥലങ്ങളില് നിര്ത്തണമെന്ന് കേണല് ഒഡൈബ നിര്ദ്ദേശിച്ചു. അപകടങ്ങള് തടയുന്നതിന്, ജനറല് ട്രാഫിക് ഡയറക്ടറേറ്റ് സാധാരണയായി റോഡിലെ വാഹനമോടിക്കുന്നവര്ക്ക് ഇഫ്താര് സമയത്ത് ഭക്ഷണം വിതരണം ചെയ്യാറുണ്ട്. അതിനാല് വാഹനമോടിക്കുന്നവര് സമയത്തെ മറികടക്കാന് തിരക്കുകൂട്ടുന്നതിനുപകരം ഇഫ്താര് ഭക്ഷണം കഴിക്കണം.
അതേസമയം, ഡ്രിഫ്റ്ററുകളും അശ്രദ്ധമായ ഡ്രൈവിംഗും തങ്ങളുടെ വാഹനങ്ങള് മൂന്ന് മാസം വരെ കണ്ടുകെട്ടാന് കാരണമാകും. നിയമം ലംഘിക്കുന്ന സാഹചര്യത്തില് നിയമലംഘകരുടെയും സ്റ്റണ്ട് ഡ്രൈവര്മാരുടെയും വാഹനങ്ങള് പിടിച്ചെടുക്കും, ഈ കണ്ടുകെട്ടല് പരമാവധി മൂന്ന് മാസത്തേക്ക് ആയിരിക്കും. 3000 റിയാല്വരെ പിഴയും ലഭിക്കാം.
ആളുകളുടെ ജീവന് അപകടത്തിലാക്കാനിടയുള്ള രീതിയില് റെസിഡന്ഷ്യല് ഏരിയകളില് ഡ്രിഫ്റ്റിംഗ് പരിശീലിക്കുകയാണെങ്കില്, വാഹനം 90 ദിവസത്തേക്ക് കണ്ടുകെട്ടാം. ”കുറ്റകൃത്യത്തിന്റെ സ്വഭാവം അനുസരിച്ച് പബ്ലിക് പ്രോസിക്യൂഷനിലേക്ക് മാറ്റാം.ഡ്രിഫ്റ്റിംഗില് ഏര്പ്പെടുന്ന ഡ്രൈവര് പൊതു സ്വത്തുക്കള് നശിപ്പിക്കുകയാണെങ്കില്, സംഭവിച്ച നഷ്ടത്തിന്റെ ചിലവ് അവര് നല്കണം.
വാഹനമോടിക്കുമ്പോള് മൊബൈല് ഫോണ് ഉപയോഗിക്കുന്നതും സീറ്റ് ബെല്റ്റ് ധരിക്കാതിരിക്കുന്നതും കുറ്റകരമാണ് , അല്ഉദൈബ ഓര്മിപ്പിച്ചു.
