പ്രതീക്ഷ നല്‍കുന്ന ഖത്തര്‍ കലണ്ടറുമായി ഖത്തര്‍ നാഷണല്‍ ടൂറിസം കൗണ്‍സില്‍
ഡോ. അമാനുല്ല വടക്കാങ്ങര
ദോഹ: സംരംഭകര്‍ക്കും പൊതുജനങ്ങള്‍ക്കും പ്രതീക്ഷയും പ്രത്യാശയും നല്‍കുന്ന ഖത്തര്‍ കലണ്ടറുമായി ഖത്തര്‍ നാഷണല്‍ ടൂറിസം കൗണ്‍സില്‍. 2021 ലെ വൈവിധ്യമാര്‍ന്ന പരിപാടികളാണ് ഖത്തര്‍ കലണ്ടറിന്റെ ഏറ്റവും വലിയ സവിശേഷത.
പ്രധാന കായിക മത്സരങ്ങള്‍, വിനോദ ഉത്സവങ്ങള്‍, എക്‌സിബിഷനുകള്‍, സമ്മേളനങ്ങള്‍ തുടങ്ങി പ്രാദേശിക സമ്പദ്വ്യവസ്ഥയെ സഹായിക്കാനും ഖത്തറിന്റെ ആഭ്യന്തര കഴിവുകള്‍ ഉയര്‍ത്തിക്കാട്ടാനും രാജ്യത്തിന്റെ ടൂറിസം ഇന്‍ഫ്രാസ്ട്രക്ചര്‍ പരമാവധി പ്രയോജനപ്പെടുത്താനും സഹായകമാ വൈവിധ്യമാര്‍ന്ന പരിപാടികളാണ് ഖത്തര്‍ കലണ്ടറിലുള്ളത്.
‘‘രാജ്യത്തുടനീളം നടക്കുന്ന പരിപാടികള്‍ക്കായി ഒരു ആസൂത്രിത വേദി വാഗ്ദാനം ചെയ്തുകൊണ്ട് ഖത്തര്‍ കലണ്ടര്‍ ഖത്തര്‍ നാഷണല്‍ ടൂറിസം കൗണ്‍സിലിനേയും പൊതു, സ്വകാര്യ മേഖലകളിലെ പങ്കാളികളെയും സഹകരിപ്പിക്കുകയും നൂതനങ്ങളായ പരിപാടികള്‍ അവതിപ്പിക്കുവാന്‍ സജ്ജമാക്കുകയും ചെയ്യുന്നതായി ഖത്തര്‍ നാഷണല്‍ ടൂറിസം കൗണ്‍സില്‍ സെക്രട്ടറി ജനറലും ഖത്തര്‍ എയര്‍വേയ്സ് ഗ്രൂപ്പ് ചീഫ് എക്സിക്യൂട്ടീവ് ഓഫീസറുമായ അക്ബര്‍ അല്‍ ബേക്കര്‍ പറഞ്ഞു
സന്ദര്‍ശകര്‍ക്കും താമസക്കാര്‍ക്കും ഖത്തറില്‍ നടക്കുന്ന പരിപാടികളെക്കുറിച്ച് അറിയാനുള്ള ഔദ്യാഗിക ഡിജിറ്റല്‍ പ്ലാറ്റ്‌ഫോമായി ഖത്തര്‍ കലണ്ടര്‍ പ്രവര്‍ത്തിക്കും. പരിപാടികളെക്കുറിച്ചുള്ള അവബോധം സൃഷ്ടിക്കുന്നതിനും ആസൂത്രണത്തിനും ബുക്കിംഗിനും സൗകര്യമൊരുക്കാനുള്ള അതിന്റെ ശേഷി എല്ലാ താല്‍പ്പര്യങ്ങള്‍ക്കും അഭിരുചികള്‍ക്കും ഖത്തറിനെ പ്രോത്സാഹിപ്പിക്കുന്നതില്‍ ഒരു പ്രധാന പങ്ക് വഹിക്കും.
ഖത്തര്‍ കലണ്ടറിലെ ഇവന്റുകളുടെ പൂര്‍ണ്ണമായ ലിസ്റ്റിന് https://internationalmalayaly.com/wp-content/uploads/2020/12/10559995379678f829eb74aa7c0abb0393103aa3.pdf