Breaking News
ഖത്തറില്‍ ഇന്ന് 103 കോവിഡ് കേസുകള്‍, ഒരു മരണം
ദോഹ : ഖത്തറില്‍ ഇന്ന് 103 കോവിഡ് കേസുകള്‍. ഒരു മരണം. കഴിഞ്ഞ 24 മണിക്കൂറിനുള്ളില്‍ നടന്ന 17311 പരിശോധനകളില്‍ 40 യാത്രക്കാര്‍ക്കടക്കം 103 പേര്‍ക്ക് കോവിഡ് സ്ഥിരീകരിച്ചു. 63 പേര്‍ക്കാണ് സാമൂഹ്യ വ്യാപനത്തിലൂടെ രോഗം സ്ഥിരീകരിച്ചത്.
160 പേര്‍ക്ക് ഇന്ന് രോഗമുക്തി റിപ്പോര്‍ട്ട് ചെയ്തതോടെ രാജ്യത്ത് ചികില്‍സയിലുള്ള മൊത്തം രോഗികള്‍ 1601 ആയി കുറഞ്ഞു. ചികിത്സയിലായിരുന്ന 52 കാരന്‍ മരണപ്പെട്ടതോടെ മൊത്തം കോവിഡ് മരണങ്ങള്‍ 592 ആയി.
കഴിഞ്ഞ 24 മണിക്കൂറിനുള്ളില്‍ 6 പേരാണ് പുതുതായി ആശുപത്രിയില്‍ പ്രവേശിപ്പിക്കപ്പെട്ടത്. ഇതോടെ ആശുപത്രികളില്‍ ചികില്‍സയിലുള്ളവരുടെ എണ്ണം 83 ആയി. 46 പേരാണ് തീവ്ര പരിചരണ വിഭാഗത്തില്‍ ചികിത്സയിലുള്ളത്.
