Uncategorized
ഇനി മുതല്‍ അറബ് കപ്പ് കാണാന്‍ ഫാന്‍ ഐഡി ഐശ്ചികം
ഡോ. അമാനുല്ല വടക്കാങ്ങര
ദോഹ : – ഇനി മുതല്‍ ഫിഫ അറബ് കപ്പ് 2021ലെ മത്സരങ്ങള്‍ കാണാന്‍ ഫാന്‍ ഐ.ഡി നിര്‍ബന്ധമാവില്ലെന്ന് സുപ്രീം കമ്മിറ്റി ഫോര്‍ ഡെലിവറി ആന്റ് ലെഗസി അറിയിച്ചു. കളി കാണുന്നതിനുള്ള ടിക്കറ്റും ഇഹ്തിറാസില്‍ വാക്‌സിനേഷന്‍ പൂര്‍ത്തീകരിച്ചതിന്റെ ഗോള്‍ഡന്‍ ഫ്രെയിമുമുള്ള ആളുകള്‍ക്ക് കളി കാണാന്‍ സൗകര്യമുണ്ടാകും. ഫാന്‍ ഐഡി നിര്‍ബന്ധമാവില്ല.
ഹയ്യാ കാര്‍ഡ് പ്രൊജക്റ്റിന്റെ ആദ്യ ഘട്ടം പൂര്‍ത്തീകരിച്ചതിനെ തുടര്‍ന്നാണ് സുപ്രീം കമ്മിറ്റി ഇങ്ങെയൊരു തീരുമാനം അറിയിച്ചത്. ഫാന്‍ ഐഡി ശേഖരിക്കുന്നതിനും അത് പ്രൊസസ് ചെയ്യുന്നതിനും ഖത്തര്‍ പോസ്റ്റുമായും മറ്റും ബന്ധപ്പെട്ടുളള ഒരു പാട് സമയം ലാഭിക്കുവാന്‍ ഇത് സഹായകമാകും.
