ഖത്തര് ഫണ്ട് ഫോര് ഡവലപ്മെന്റ് കോവിഡ് പ്രതിരോധത്തിന് 670 ലക്ഷം ഡോളര് സഹായം നല്കി
ഡോ. അമാനുല്ല വടക്കാങ്ങര
ദോഹ. കോവിഡ് മഹമാരിയില് ലോകം പകച്ചുനിന്ന സമയത്ത് വിവിധ രാജ്യങ്ങളുടെ കോവിഡിനെതിരെയുള്ള പോരാട്ടത്തില് അവരെ സഹായിക്കുന്നതിനായി ഖത്തര് ഫണ്ട് ഫോര് ഡവലപ്മെന്റ് ഏകദേശം 67 മില്യണ് ഡോളര് വിതരണം ചെയ്തതായി റിപ്പോര്ട്ട്
”2020 മുതല് നവംബര് 2021 വരെ, ഗവി (വാക്സിന് അലയന്സ്)ക്കുള്ള സഹായം ഉള്പ്പെടെ 31 രാജ്യങ്ങളിലായി 67 മില്യണ് ഡോളറാണ് ഖത്തര് ഫണ്ട് ഫോര് ഡവലപ്മെന്റ് ചിലവഴിച്ചതെന്ന് ഗവണ്മെന്റ് കമ്മ്യൂണിക്കേഷന്സ് ഓഫീസ് ട്വീറ്റ് ചെയ്തു.
ഖത്തര് ഫണ്ട് ഫോര് ഡവലപ്മെന്റ് ഉള്പ്പെടെയുള്ള വികസന സ്ഥാപനങ്ങള് മുഖേന, ലോകമെമ്പാടുമുള്ള ആരോഗ്യ, മാനുഷിക സംരംഭങ്ങള്ക്ക് ഗണ്യമായ ശ്രമങ്ങള് അനുവദിക്കുന്നതിന് ഖത്തര് പ്രതിജ്ഞാബദ്ധമാണെന്നും അത് കൂട്ടിച്ചേര്ത്തു. ”കോവിഡ്-19 പാന്ഡെമിക്കിലുടനീളം ലോകമെമ്പാടുമുള്ള ആവശ്യമുള്ളവര്ക്ക് മെഡിക്കല്, മാനുഷിക സഹായം നല്കുന്നതിന് ഖത്തര് ഫണ്ട് ഫോര് ഡവലപ്മെന്റ് മുന്ഗണന നല്കിയിട്ടുണ്ട്.
