ഫിഫ ലോക കപ്പിനായി പ്രൈമറി ഹെല്‍ത്ത് കെയര്‍ കോര്‍പറേഷന്‍ താല്‍ക്കാലിക ജീവനക്കാരെ തേടുന്നു
റഷാദ് മുബാറക്
ദോഹ. ഫിഫ ലോക കപ്പിനായി പ്രൈമറി ഹെല്‍ത്ത് കെയര്‍ കോര്‍പറേഷന്‍ താല്‍ക്കാലിക ജീവനക്കാരെ തേടുന്നു . ഡോക്ടര്‍മാര്‍ , നഴ്‌സുമാര്‍, ഫാര്‍മസിസ്റ്റുകള്‍, ലബോറട്ടറി ടെക്‌നീഷ്യന്മാര്‍, റേഡിയോളജിസ്റ്റുകള്‍ തുടങ്ങി നിരവധി ഒഴിവുകളുണ്ട്. പ്രൈമറി ഹെല്‍ത്ത് കെയര്‍ കോര്‍പറേഷന്‍ സൈറ്റ് സന്ദര്‍ശിച്ച് നേരിട്ടാണ് അപേക്ഷ സമര്‍പ്പിക്കേണ്ടത്.
ജനറല്‍ പ്രാക്ടീഷണര്‍, സ്‌പെഷ്യലിസ്റ്റ് ഫാമിലി മെഡിസിന്‍, സ്‌പെഷ്യലിസ്റ്റ് എമര്‍ജന്‍സി മെഡിസിന്‍, സ്‌പെഷ്യലിസ്റ്റ് ഇന്റര്‍ണല്‍ മെഡിസിന്‍, നഴ്‌സ്, ഫാര്‍മസിസ്റ്റ്, ലബോറട്ടറി ടെക്‌നോളജിസ്റ്റ് , റേഡിയോളജി ടെക്‌നോളജിസ്റ്റ് , കസ്റ്റമര്‍ റിലേഷന്‍സ് , റിസപ്ഷനിസ്റ്റ് എന്നീ തസ്തികകളിലാണ് താല്‍ക്കാലിക നിയമനം നടത്തുന്നത്.
യോഗ്യരായ ഉദ്യോഗാര്‍ഥികള്‍ നേരിട്ട് ഓണ്‍ലൈനില്‍ അപേക്ഷ സമര്‍പ്പിക്കണം . കൂടുതല്‍ വിവരങ്ങള്‍ക്ക് എന്ന സൈറ്റ് സന്ദര്‍ശിക്കുക
https://www.phcc.gov.qa/en/AboutUs/Careers/Temporary-Hiring-for-FIFA-2022-World-Cup
