ഖത്തര്‍ ലോകകപ്പിനെ പ്രശംസിച്ച് ലോകം
അമാനുല്ല വടക്കാങ്ങര
ദോഹ. ഖത്തര്‍ ലോകകപ്പിനെ പ്രശംസിച്ച് ലോകം. ആദ്യ റൗണ്ട് മല്‍സരങ്ങള്‍ അവസാനിക്കുമ്പോള്‍ സംഘാടക മികവില്‍ പുതിയ ചരിത്രം രചിച്ചാണ് ഖത്തര്‍ ലോക ശ്രദ്ധ നേടുന്നത്.
വിവിധ രാജ്യങ്ങളുടെ ഫുട്‌ബോള്‍ അസോസിയേഷനുകളും ടീമുകളും ഫുട്‌ബോള്‍ ആരാധകരുമൊക്കെ ഖത്തറിലെ മികച്ച ലോകകപ്പ് സൗകര്യങ്ങളെയും സംവിധാനങ്ങളേയും പ്രശംസിക്കുകയും മികച്ച സംഘാടനത്തിന് ഖത്തറിനെ അഭിനന്ദിക്കുകയും ചെയ്യുന്നതായാണ് റിപ്പോര്‍ട്ടുള്‍.
ഏറ്റവും മാന്യമായ രീതിയില്‍ ഉജ്വലമായ കായികാനുഭവവും ആസ്വാദനവുമാണ് ഖത്തര്‍ ലോകകപ്പ് നല്‍കുന്നതെന്നാണ് വിലയിരുത്തപ്പെടുന്നത്.
സ്റ്റേഡിയങ്ങളിലും പുറത്തുമുള്ള ക്രൗഡ് മാനേജ്‌മെന്റ്, വിവിധ ഏരിയകളിലായി സംഘടിപ്പിക്കുന്ന ഫാന്‍ എന്‍ഗേജ്‌മെന്റ് പ്രോഗ്രാമുകള്‍, മികച്ച ഗതാഗത സമവിധാനങ്ങള്‍, സംസ്‌കാരവും പരാരമ്പര്യവും സമന്വയിപ്പിക്കുന്ന വൈവിധ്യമാര്‍ന്ന പരിപാടികള്‍ മുതലായവയൊക്കെ ആരാധകരെ ആകര്‍ഷിക്കുന്ന ഘടകങ്ങളാണ് .
