ഖത്തര് ലോകകപ്പ് ഫൈനല് ബീന് സ്പോര്ട്സ് സൗജന്യമായി സംപ്രേഷണം ചെയ്യും
അമാനുല്ല വടക്കാങ്ങര
ദോഹ. നാളെ ലുസൈല് സ്റ്റേഡിയത്തില് നടക്കുന്ന ഖത്തര് ലോകകപ്പ് ഫൈനല് ബീന് സ്പോര്ട്സ് സൗജന്യമായി സംപ്രേഷണം ചെയ്യും . അര്ജന്റീനയും ഫ്രാന്സും തമ്മിലുള്ള ഫൈനലിന്റെ തത്സമയ, എക്സ്ക്ലൂസീവ്, ബഹുഭാഷാ കവറേജ് ഉള്പ്പെടെ – 2022 ഫിഫ ലോകകപ്പ് ഖത്തറിന്റെ വരാനിരിക്കുന്ന ഫൈനലിനായുള്ള വിപുലമായ പ്രക്ഷേപണ പദ്ധതികള് ബീന് മീഡിയ ഗ്രൂപ്പ് വെളിപ്പെടുത്തി.
പ്രക്ഷേപണം ബീന് സ്പോര്ട്സിന്റെ ഫ്രീ-ടു-എയര് ചാനലില് ലഭ്യമാക്കും, കൂടാതെ അറബ് ലോകത്തെ ആദ്യ ലോകകപ്പ് മിഡില് ഈസ്റ്റിലെയും നോര്ത്ത് ആഫ്രിക്കയിലെയും (മെന) കാഴ്ചക്കാര്ക്ക് ആക്സസ് ചെയ്യാനുള്ള പ്രതിജ്ഞാബദ്ധതയുടെ ഭാഗമായി, മത്സരവും. മുഴുവന് ദിവസത്തെ കവറേജായി, ബീന് സ്പോര്ട്സിന്റെ ഔദ്യോഗിക യു ട്യൂബ് ചാനലില് സൗജന്യമായി സ്ട്രീം ചെയ്യും.
മെനയിലുടനീളമുള്ള 24 രാജ്യങ്ങളിലെ ഔദ്യോഗിക ബ്രോഡ്കാസ്റ്റര് എന്ന നിലയില് കൂടുതലാളുകളിലേക്ക് കളിയെത്തിക്കുന്നതില് ബീന് സ്പോര്ട്സ് കാര്യമായ പങ്കാണ് വഹിച്ചത്. നവംബര് 20 ന് ഖത്തര് ലോകകപ്പ് ആരംഭിച്ചതുമുതല് 5 ബില്ല്യണിലധികമാളുകളാണ് ടെലിവിഷനിലൂടെ മല്സരം വീക്ഷിച്ചത്.
