ഗള്‍ഫ് മേഖലയിലെ മികച്ച സ്മാര്ട്ട്ഫോണ് ആപ്ലിക്കേഷനുള്ള അവാര്‍ഡ് കഹ്റാമക്ക്
അമാനുല്ല വടക്കാങ്ങര
ദോഹ: ഗള്‍ഫ് മേഖലയിലെ മികച്ച സ്മാര്ട്ട്ഫോണ് ആപ്ലിക്കേഷനുള്ള അവാര്‍ഡ് ഖത്തര്‍ ജനറല്‍ ഇലക്ട്രിസിറ്റി ആന്‍ഡ് വാട്ടര്‍ കോര്‍പ്പറേഷന് (കഹ്റാമ) ലഭിച്ചു.
ഡിജിറ്റൈസേഷനിലേക്കും ഓട്ടോമേഷനിലേക്കും രാജ്യത്തെ സമഗ്രമായ പരിവര്‍ത്തനത്തിന് അനുസൃതമായി കഹ്റാമയുടെ ഡിജിറ്റല്‍ ട്രാന്‍സ്ഫോര്‍മേഷന്‍ ഡിപ്പാര്‍ട്ട്മെന്റുകള്‍ നടത്തിയ സംയുക്ത പരിശ്രമത്തിന്റെ ഫലമാണ് ഈ അവാര്‍ഡ്
2022-ല്‍, കഹ്റാമ അതിന്റെ മൊബൈല്‍ ആപ്ലിക്കേഷന്റെ ഒരു പുതിയ ഇന്റര്‍ഫേസ് പതിപ്പ് പുറത്തിറക്കി, ഇത് വരിക്കാര്‍ക്ക് സുഗമവും പ്രായോഗികവുമായ അനുഭവം ഉറപ്പുനല്‍കുന്നു. കൂടാതെ ഏത് സമയത്തും എവിടെനിന്നും സേവനങ്ങള്‍ അഭ്യര്‍ത്ഥിക്കാന്‍ അവരെ അനുവദിക്കുന്നു. മികച്ച സ്മാര്ട്ട്ഫോണ് ആപ്ലിക്കേഷനുകള്‍ക്കായുള്ള അന്താരാഷ്ട്ര നിലവാരത്തില്‍ പുറത്തിറക്കിയ ആപ്പില്‍ സബ്സ്‌ക്രൈബര്‍മാരുടെ അനുഭവം മെച്ചപ്പെടുത്തുന്നതിനായി അവരുമായി സംവദിക്കാന്‍ ഒരു ചാറ്റ്‌ബോട്ട് ഫീച്ചറും ചേര്‍ത്തിട്ടുണ്ട്.
