Archived ArticlesUncategorized
ജാസിം അബ്ദുല്‍ അസീസ് അല്‍-ജാസിം എഎഫ്സി ഏഷ്യന്‍ കപ്പ് 2023 മാനേജിംഗ് ഡയറക്ടര്‍
അമാനുല്ല വടക്കാങ്ങര
ദോഹ: ഖത്തര്‍ ആതിഥ്യമരുളുന്ന എഎഫ്സി ഏഷ്യന്‍ കപ്പ് 2023 മാനേജിംഗ് ഡയറക്ടറായി ജാസിം അബ്ദുല്‍ അസീസ് അല്‍-ജാസിമിനെ നിശ്ചയിച്ച് ലോക്കല്‍ ഓര്‍ഗനൈസിംഗ് കമ്മിറ്റി (എല്‍ഒസി) 2023 ലെ പ്രമേയം നമ്പര്‍ (1) പുറത്തിറക്കി. ഖത്തറില്‍ എഎഫ്സി ഏഷ്യന്‍ കപ്പിന് ആതിഥേയത്വം വഹിക്കാനുള്ള തയ്യാറെടുപ്പിലെ സുപ്രധാന ചുവടുവെപ്പാണ് ഈ തീരുമാനം.
2023 എഎഫ്സി ഏഷ്യന്‍ കപ്പിന് ആതിഥേയത്വം വഹിക്കാന്‍ ഏഷ്യന്‍ ഫുട്ബോള്‍ കോണ്‍ഫെഡറേഷന്റെ എക്സിക്യൂട്ടീവ് കമ്മിറ്റി മുമ്പ് ഖത്തര്‍ ഫുട്ബോള്‍ അസോസിയേഷനെ തിരഞ്ഞെടുത്തിരുന്നു.
1988, 2011 പതിപ്പുകള്‍ക്ക് ശേഷം ഇത് മൂന്നാം തവണയാണ് ഖത്തര്‍ ടൂര്‍ണമെന്റിന് ആതിഥേയത്വം വഹിക്കുന്നത്.
