രക്തദാന ക്യാമ്പ് സംഘടിപ്പിച്ചു
ദോഹ. ഹമദ് മെഡിക്കല്‍ കോര്‍പറേഷനുമായി സഹകരിച്ചു കള്‍ച്ചറല്‍ ഫോറം എല്ലാ മാസങ്ങളിലും നടത്തി വരുന്ന രക്തദാന ക്യാമ്പ് വെള്ളിയാഴ്ച വെസ്റ്റ് എനര്‍ജി സെന്ററിലെ ബ്ലഡ് ഡോണര്‍ സെന്ററില്‍ വെച്ച് സംഘടിപ്പിച്ചു .റമദാനിന്റെ തിരക്കിലും വൈകിട്ട് 7 മണിമുതല്‍ നടന്ന ക്യാമ്പില്‍ എഴുപതോളം പേര്‍ രക്തം നല്‍കാന്‍ സന്നദ്ധരായി .മുന്‍ ഐ സി ബി ഫ് പ്രസിഡന്റ് വിനോദ് നായര്‍ ക്യാമ്പ് ഉത്ഘാടനം ചെയ്തു. ഐ സി. സി വൈസ് പ്രസിഡന്റ് സുബ്രഹ്‌മണ്യ ഹെബ്ബഗ്ലു,ഐ സി ബി ഫ് മാനേജിങ് കമ്മിറ്റി മെമ്പര്‍ മുഹമ്മദ് കുഞ്ഞി, കള്‍ച്ചറല്‍ ഫോറം അഡൈ്വസറി ബോര്‍ഡ് വൈസ് ചെയര്‍മാന്‍ റഷീദ് അഹ്‌മദ് ,കള്‍ച്ചറല്‍ ഫോറം പ്രസിഡന്റ് എ സി മുനീഷ് ,കള്‍ച്ചറല്‍ ഫോറം വൈസ് പ്രസിഡന്റ് മുഹമ്മദ് റാഫി ,ട്രെഷറര്‍ അബ്ദുല്‍ ഗഫൂര്‍, ജനറല്‍ സെക്രട്ടറി മജിദ് അലി, വര്‍ക്കിംഗ് കമ്മറ്റി അംഗങ്ങളായ ഫൈസല്‍ എടവനക്കാട്, റുബീന, നജ്‌ല എന്നിവര്‍ പങ്കെടുത്തു.
