“അനക്ക് എന്തിന്റെ കേടാ” ടീസര് റിലീസ്ംഗ് ഇന്ന് വൈകുനേരം 6 മണിക്ക്
അമാനുല്ല വടക്കാങ്ങര
ദോഹ. ചലചിത്രാസ്വാദകര് ആകാംക്ഷയോടെ കാത്തിരിക്കുന്ന മാധ്യമ പ്രവര്ത്തകനും മുന് ഖത്തര് പ്രവാസിയുമായ ഷമീര് ഭരതന്നൂരിന്റെ സംവിധാനത്തില് ഒരുങ്ങുന്ന ആദ്യചിത്രമായ അനക്ക് എന്തിന്റെ കേടാ ടീസര് ഇന്ന് വൈകുനേരം ഇന്ത്യന് സമയം 6 മണിക്ക് റിലീസ് ചെയ്യും. ആഗസ്ത് 4 നാണ് ചിത്രം തിയേറ്ററുകളിലെത്തുക.
ഏറെ പുതുമകളും വിഭവങ്ങളും ഉള്പ്പെടുത്തിയാണ് അനക്ക് എന്തിന്റെ കേടാ എന്ന സിനിമ റിലീസിന് ഒരുങ്ങുന്നത്. വിനീത് ശ്രീനിവാസനും സിയ ഉള് ഹഖും നടന് കൈലാഷും ഉള്പ്പെടെയുള്ളവര് ആലപിച്ച ഗാനങ്ങളും പുതുമയുള്ള പ്രമേയവുമാണ് ഈ ചിത്രത്തിന്റെ ഹൈലൈറ്റ്.
ലോക കേരള സഭ അംഗവും ബഹ്ൈറന് പ്രവാസി പ്രമുഖനുമായ ഫ്രാന്സിസ് കൈതാരത്താണ് ചിത്രത്തിന്റെ നിര്മാതാവ്
അനക്ക് എന്തിന്റെ കേടാ എന്ന ചോദ്യം കേട്ട് കേട്ട് തഴമ്പിച്ച് വളരുന്ന ഒരു ചെറുപ്പക്കാരന് തന്റെ ജീവിതത്തില് അയ്യാള്ക്ക് ഒരു കേടും ഇല്ലായെന്ന് തെളിയിക്കുന്ന പ്രമേയമാണ് ചിത്രത്തിലേത്. സാമൂഹിക വിമര്ശവും കേരളത്തിലെ സമകാലിക സംഭവങ്ങളും ചിത്രത്തില് കടന്നുവരുന്നുണ്ട്. തെളിനീര് ഒഴുകുന്ന ഒരു പുഴ പോലെ ഈ ചിത്രം ആദ്യവസാനംവരെ ഏത് പ്രായക്കാര്ക്കും കൗതുകത്തോടെയും ഇഷ്ടത്തോടെയും കണ്ടിരിക്കാനാകുമെന്നാണ് നിര്മാതാവ് പറയുന്നത്.
