ഖത്തര്‍ റെസിഡന്റ്സ് ഓഫ് ഇന്ത്യ ഫുട്‌ബോള്‍ ചാമ്പ്യന്‍സ് ലീഗ് ടൈറ്റാന്‍ എഫ് സി ജേതാക്കള്‍
ദോഹ : ഖത്തറിലെ ഇന്ത്യക്കാരുടെ ഫുട്‌ബോള്‍ കൂട്ടായ്മയായ ഖത്തര്‍ റസിഡന്റ്‌സ് ഓഫ് ഇന്ത്യ ഫുട്‌ബോള്‍ ക്ലബ് ഒരു മാസത്തോളമായി മെസൈദ് സ്‌പോര്‍ട്‌സ് കോംപ്ലക്‌സ് ഗ്രൗണ്ടില്‍ സംഘടിപ്പിച്ച ചാമ്പ്യന്‍സ് ലീഗ് സീസണ്‍ 3 യുടെ ആവേശകരമായ ഗ്രാന്‍ഡ് ഫൈനല്‍ മത്സരത്തില്‍ വൈല്‍ഡ്കാറ്റ് എഫ് സി യെ പരാജയപ്പെടുത്തി ടൈറ്റാന്‍ എഫ് സി ജേതാക്കളായി.
ഫൈനല്‍ മത്സരത്തില്‍ വിജയിച്ച ടൈറ്റാന്‍ എഫ്‌സി ടീമിനുള്ള ചാമ്പ്യന്‍സ് ട്രോഫി പഴയകാല ഫുട്‌ബോള്‍ താരം മുഹമ്മദ് വിതരണം ചെയ്തു.
ടൂര്‍ണമെന്റിലെ ടോപ്‌സ്‌കോററായി ഫൈസലിനെയും മികച്ച ഗോള്‍ കീപ്പറായി അഷ്‌കറിനെയും മികച്ച ഡിഫെന്‍ഡറായി സ്റ്റീവോയെയും മികച്ച പ്ലെമേക്കറായി പ്രവീണിനെ യും ഫേവറൈറ്റ് പ്ലെയറായി ഷമീമിനെയും എമെര്‍ജിങ് പ്ലെയറായി സഫ്വാനെയും തെരഞ്ഞെടുത്തു .
ഒരു മാസം നീണ്ടുനിന്ന ഫുട്‌ബോള്‍ മാമാങ്കത്തിന് അല്‍ത്വാഫ് , ഷാന്‍ , ജാബിര്‍ , ശനീബ് , ശബാബ് , മഷ്ഹൂദ് , ഖലീല്‍ അബ്ദുല്‍ റഹിമാന്‍ തുടങ്ങിയവരാണ് നേതൃത്വം നല്‍കിയത്.
